Yevropa gaz omborlarini 90 foizga to‘ldirdi

Gas Infrastructure Europe ma’lumotlariga ko‘ra, Yevropadagi gaz omborlari 90 foizdan ortiq to‘lgan. 

Yevropaning sakkizta davlatidagi gaz omborlari 90 foizdan oshdi. Eng ko‘p to‘ldirilgan gaz omborlari Portugaliya, Xorvatiya, Daniya, Fransiya, Germaniya, Italiya, Niderlandiya, Polsha, Ispaniya va Shvetsiyada.

Latviyadagi Incukalns UGS obyektidagi gaz zaxiralari Yevropa Ittifoqi mamlakatlari orasida eng past darajada — 53 foiz. 

Ushbu ombor Latviya, Litva, Estoniya va Finlyandiyani zaxira gaz bilan ta’minlash uchun javobgardir. Portugaliya omborlari 100 foiz to‘lgan.

Yanvar oyidan beri Rossiya gazining Yevropaga yetkazib berish hajmi yillik hisobda 45 foizga (45 milliard kub metrgacha) kamaydi. 

Uchinchi chorakda import 10 milliard kub metrdan kamroqni tashkil etdi. Bu yillik 70 foizga qisqarish degani. 

Norvegiya Yevropa mamlakatlariga eksport hajmini yil boshidan 8 foizga (6 milliard kub metr), Ozarbayjon 50 foizga (2,5 milliard kub metr) oshirdi. 

Yevropada Rossiya yetkazib berishini muqobili sifatida asosiy manba LNG importi bo‘lib, u 65 foizga o‘sdi.