Bugun,

  • USD 11095.31
  • RUB 173.84
  • EUR 10772.44

4-oktabr kuni Rossiya Federatsiya Kengashi Ukraina hududlarini anneksiya qilishni bir ovozdan ma’qulladi. Shu bilan birga, Ukraina prezidenti Vladimir Zelenskiy Rossiya qo‘shinlari tomonidan bosib olingan Xerson viloyatidagi yana sakkizta aholi punkti ozod etilganini ma’lum qildi. Shuningdek, u Rossiya bilan muzokaralar olib borishni taqiqlash haqidagi farmonni imzoladi. Qo‘shma Shtatlar Ukrainaga yana 625 million dollarlik yordam paketi ajratdi, jumladan, bu yangi HIMARS qurilmalarini yetkazib berishni o‘z ichiga oladi. Aleksandr Lukashenko Belarus Ukrainadagi urushda ishtirok etayotganini tasdiqladi. Meduza urushning 223-kuniga oid asosiy fotosuratlarni jamladi.

Rossiyada to‘rt oy asirlikda saqlangan “azovchi”larning fotosuratlari

“Uydagi birinchi kunimda sartaroshxonaga bordim, sochimni oldirdim. Jabrlanuvchi bo‘lib ko‘rinishni hech qachon xohlamaganman”, — deydi Ukrainaga qaytarilgan Dmitriy Kozatskiy  fotograflar Konstantin va Vlad Liberovlarga. Kozatskiy — “Azov” jangchisi, u Mariupol himoyachilarini suratga olardi. 20-may kuni u “Azovstal”da qolgan harbiylar bilan birga asirga tushdi.

Uch oy o‘tgach, Rossiya va Ukraina asirlarni almashdi: 215 nafar ukrainalik askar, shu jumladan zavod himoyachilari va “Azov” polki qo‘mondonligi Ukraina asirligidagi Viktor Medvedchuk va 55 nafar rus askari bilan almashtirildi. Uyga qaytgan “azovchi”larning aksariyati asirlikda ozib-to‘zib ketgandi.

Fotosuratchi va “Azov” polki matbuot xizmati rahbari Dmitriy Kozatskiyning asirlikdan qaytgandan keyingi ko‘rinishi.

Fotosuratchi va “Azov” polki matbuot xizmati rahbari Dmitriy Kozatskiyning asirlikdan qaytgandan keyingi ko‘rinishi.
Foto: Instagram

Kozatskiyning Mariupolda qamalda qolgan “Azovstal” zavodidan olgan bir qator fotosuratlari Parijda o‘tkazilgan Prix de la Photographie, Paris (Px3) foto tanlovida Press/War nominatsiyasida g‘olib chiqdi va “Press” umumiy yo‘nalishida ikkinchi o‘rinni egalladi. Bu vaqtda fotografning o‘zi Rossiya asirligida edi.

Kozatskiyning Mariupolda qamalda qolgan “Azovstal” zavodidan olgan bir qator fotosuratlari Parijda o‘tkazilgan Prix de la Photographie, Paris (Px3) foto tanlovida Press/War nominatsiyasida g‘olib chiqdi va “Press” umumiy yo‘nalishida ikkinchi o‘rinni egalladi. Bu vaqtda fotografning o‘zi Rossiya asirligida edi.
Foto: Instagram

Ukraina Qurolli kuchlari tomonidan ozod qilingan Liman shahri va uning atrofidagi qishloqlar 

1-oktabr kuni Ukraina harbiylari Donetsk viloyatidagi 20 mingga yaqin aholi istiqomat qiluvchi kichik shahar Limanga kirdi, rus qo‘shinlari uni 2022-yilning yozi boshida qo‘lga kiritgan edi. Limandan chekinish chog‘ida Rossiya Qurolli Kuchlari Bosh shtabi Bosh boshqarmasining 3-gvardiya maxsus kuchlari brigadasidan kamida to‘qqiz nafar rossiyalik harbiy xizmatchisi halok bo‘ldi, deb xabar beradi BBC rus xizmati. Bo‘limning yana bir askari og‘ir yaralangan. Ammo Rossiya “harbiy muxbirlari” da’vo qilishicha, shahar mudofaasida qo‘shinlarning elita qismi emas, balki “ko‘ngillilar”, kazaklar, shuningdek, LXRning safarbar qilingan aholisi qatnashgan.

 

Ukraina harbiylari Donetsk viloyati Liman yaqinidagi yo‘lda bronotransportyorga davlat bayrog‘ini o‘rnatmoqda.

Ukraina harbiylari Donetsk viloyati Liman yaqinidagi yo‘lda bronotransportyorga davlat bayrog‘ini o‘rnatmoqda.
Foto: AFP

Ukraina harbiy xizmatchilari ozod qilingan Limanda davlat bayrog‘ini ko‘tarish marosimida.

Ukraina harbiy xizmatchilari ozod qilingan Limanda davlat bayrog‘ini ko‘tarish marosimida.
Foto: EPA

Yaqinda qaytarib olingan Limandagi vayronalar.

Yaqinda qaytarib olingan Limandagi vayronalar.
Foto: EPA

Ukraina bronetransportyori Limandan 16 kilometr uzoqlikdagi vayron bo‘lgan Shandrigolovo qishlog‘idan o‘tmoqda.

Ukraina bronetransportyori Limandan 16 kilometr uzoqlikdagi vayron bo‘lgan Shandrigolovo qishlog‘idan o‘tmoqda.
Foto: WP

Shandrigolovo qishlog‘i aholisi Rossiya zarbalaridan vayron bo‘lgan uylari yonida turibdi.

Shandrigolovo qishlog‘i aholisi Rossiya zarbalaridan vayron bo‘lgan uylari yonida turibdi.
Foto: AP Photo

Xarkov va Kramatorskning o‘qqa tutilishi

4-oktabrga o‘tar kechasi Rossiya harbiylari tomonidan Xarkovning ikki tumani o‘qqa tutilishi oqibatida bir ayol halok bo‘ldi va “muhim infratuzilma”ga zarar yetdi, deb xabar qildi Xarkov viloyati harbiy boshqarmasi boshlig‘i Oleg Sinegubov. O‘sha kecha Rossiya harbiylari Donetsk viloyatining Kramatorsk shahrini ham o‘qqa tutdi. Kramatorsk shahar kengashi ma’lumotlariga ko‘ra, ikki aholi jarohatlangan.

Xarkovning o‘qqa tutilgan zavodidagi yong‘in izlari. Viloyat prokuraturasi ma’lumotlariga ko‘ra, Rossiya harbiylari hududni Belgoroddan turib o‘qqa tutgan.

Xarkovning o‘qqa tutilgan zavodidagi yong‘in izlari. Viloyat prokuraturasi ma’lumotlariga ko‘ra, Rossiya harbiylari hududni Belgoroddan turib o‘qqa tutgan.
Foto: EPA

Ishchilar Xarkovdagi Rossiya raketasi tushgan elektr podstansiyasini ko‘zdan kechirmoqda.

Ishchilar Xarkovdagi Rossiya raketasi tushgan elektr podstansiyasini ko‘zdan kechirmoqda.
Foto: Anadolu

Donetsk viloyatining Kramatorsk shahri aholisi vayron bo‘lgan uy yonidagi o‘rani tomosha qilmoqda.

Donetsk viloyatining Kramatorsk shahri aholisi vayron bo‘lgan uy yonidagi o‘rani tomosha qilmoqda.
Foto: AFP

Kommunal xizmatchilar Kramatorskda tungi hujumdan qolgan raketa korpusini yuk mashinasiga ortmoqda.

Kommunal xizmatchilar Kramatorskda tungi hujumdan qolgan raketa korpusini yuk mashinasiga ortmoqda.
Foto: AP Photo

Sharqiy Ukrainada kechgan jang oqibatlari

Xarkov viloyatida Ukraina qurolli kuchlari qarshi hujumni davom ettirmoqda. Vladimir Zelenskiy shu hafta Xerson viloyatidagi aholi punktlaridan tashqari Xarkov, Lugansk va Donetsk viloyatlaridagi shahar va qishloqlar “Rossiya psevdoreferendumidan ozod qilinganini” aytdi. Uning so‘zlariga ko‘ra, gap o‘nlab ozod qilingan aholi punktlari haqida ketmoqda.

Xarkov viloyatida vayron bo‘lgan Yatskovka qishlog‘i.

Xarkov viloyatida vayron bo‘lgan Yatskovka qishlog‘i.
Foto: AFP

Yaqinda qaytarib olingan Kupyanskda Ukraina harbiylari qo‘lga olingan rus tankini tortib ketishga tayyorlamoqda.

Yaqinda qaytarib olingan Kupyanskda Ukraina harbiylari qo‘lga olingan rus tankini tortib ketishga tayyorlamoqda.
Foto: EPA

Kupyansk yaqinida joylashgan Petropavlovka qishlog‘idagi vayron qilingan kafeda ukrainalik politsiyachi rus askarining jasadini ko‘zdan kechirmoqda.

Kupyansk yaqinida joylashgan Petropavlovka qishlog‘idagi vayron qilingan kafeda ukrainalik politsiyachi rus askarining jasadini ko‘zdan kechirmoqda.
Foto: EPA

Donetsk viloyati, Yatskovka qishlog‘idagi yonilg‘i quyish shoxobchasida yotgan ot jasadi.

Donetsk viloyati, Yatskovka qishlog‘idagi yonilg‘i quyish shoxobchasida yotgan ot jasadi.
Foto: AP Photo

 

Izoh
Asosiy yangiliklar
Dunyo
AQSH Yelsinning Ukraina haqidagi bayonotini maxfiylikdan chiqardi
Iqtisodiyot
Korrupsiya darajasi, iqtisodiy erkinlik indeksi: O‘zbekistonning xalqaro reytinglardagi o‘rni qanday o‘zgarmoqda?
Iqtisodiyot
O‘zbekistonda frilanserlik: ular qancha maosh oladi va nega ko‘paymoqda?