Qirg‘iziston parlamenti rahbari iste’foga chiqdi

Qirg‘iziston parlamenti spikeri Talant Mamitov iste’foga chiqdi, deb xabar bermoqda “Interfaks”.

“Men spikerlikdan ketishga qaror qildim, bu shaxsiy qarorim. O‘ylaymanki, hamkasblarim meni to‘g‘ri tushunadi. Bugundan boshlab spiker lavozimi bo‘sh”, — dedi Mamitov 5-sentabr kungi parlament yig‘ilishida.

Mamitovning aytishicha, u iste’foga chiqish haqida avvaldan, 14—17-sentabr kunlari Tojikiston bilan chegarada sodir bo‘lgan to‘qnashuvlar paytida qaror qilgan.

Mamitov 2020-yil 4-noyabrda Qirg‘iziston parlamenti spikeri etib saylangan edi. 2010—2020-yillarda u “Ata-Jurt” va “Respublika-Ata-Jurt” siyosiy partiyalaridan parlament deputati bo‘lgan.

Qirg‘iziston matbuotiga ko‘ra, respublika parlamenti spikeri lavozimiga asosiy nomzod “Ata-Jurt Kirgizistan” fraksiyasi vakili Nurlan Shakiyev bo‘lib turibdi.