Ukraina Qurolli kuchlari Rossiya tomonidan okkupatsiya qilingan Xerson viloyatidagi ikkita aholi punkti — Arxangelsk va Myrolyubovkani ozod qildi. Bu haqda Ukraina prezidenti Vladimir Zelenskiy urushning 221-kuni yakunlari bo‘yicha xalqqa murojaatida aytib o‘tdi.
Har kuni kamida ikki marta — ertalab va kechqurun harbiylarimizdan xabar olaman. Bu haftadagi hisobotlarning eng katta qismini mudofaa amaliyotimiz doirasida dushmandan ozod qilingan aholi punktlari ro‘yxati egalladi. Donetsk viloyatidagi Limanning ozod qilingani ommaviy axborot vositalarida eng ko‘p aylanmoqda. Ammo jangchilarimizning muvaffaqiyatlari faqat Liman bilan cheklanmaydi. Bu, bilasizmi, shunday tendensiya... Yaqinda kimdir qayerdadir soxta referendumlar o‘tkazgandi. Ukraina bayrog‘i qaytarilganida esa, u yerda hech kim Rossiyaning allaqanday qog‘ozlar, allaqanday anneksiya bilan qilgan maynavozchiliklarini eslamayapti. Albatta, Ukraina huquq-tartibot idoralari bundan mustasno. Chunki davlatimizga qarshi har qanday tajovuz unsurlariga aloqador bo‘lgan har bir kishi buning uchun javob beradi, — dedi Zelenskiy.1-oktabr kuni Ukraina harbiylari qarshi hujum doirasida Donetsk viloyatining Liman shahriga kirgan edi. Rossiya Mudofaa vazirligi qamalda qolish xavfi tufayli qo‘shinlari shahardan olib chiqilganini tasdiqladi.
Bu voqea Vladimir Putin Kremlda Ukrainaning Rossiya tomonidan bosib olingan hududlari — Zaporojye va Xerson viloyatlarini, shuningdek, Donbass respublikalarini anneksiya qilish to‘g‘risidagi kelishuvlarni imzolaganidan bir kun o‘tib sodir bo‘ldi.
Izoh (0)