Toshkent viloyatining Bo‘stonliq tumanida Isuzu avtobusi haydovchisi odam urib yuborib, voqea joyidan qochib ketishi oqibatida piyoda vafot etdi.
Viloyat IIBB matbuot xizmatining xabar berishicha, voqea 23-sentabr kuni tungi vaqtda tumanning “Aydarali” MFY hududidan o‘tgan yo‘lda yuz bergan. Nomalum transport vositasi yo‘l chetida ketayotgan 1980-yilda tug‘ilgan kishini urib yuborib, unga yodam ko‘rsatmasdan voqea joyidan qochib ketgan. Oqibatda piyoda olgan tan jarohatlaridan vafot etgan.
IIB xodimlari tomonidan olib borilgan tezkor surishtiruv va qidiruv ishlari natijasida bu jinoyatni 1999-yilda tug‘ilgan haydovchi Isuzu avtobusida sodir etgani aniqlangan. Unga nisbatan Jinoyat kodeksining 266-moddasi 2-qismi (transport vositalari harakati yoki ulardan foydalanish xavfsizligi qoidalarini buzish odam o‘lishiga sabab bo‘lishi) jinoyat ishi qo‘zg‘atilib, ehtiyot chorasi sifatida qamoqqa olingan.
Mavzuga doir: Navoiyda 17 yoshli yigit Lacetti’da odam urib yuborib, voqea joyidan qochib ketdi (video)
Izoh (0)