Тошкент вилоятининг Бўстонлиқ туманида Isuzu автобуси ҳайдовчиси одам уриб юбориб, воқеа жойидан қочиб кетиши оқибатида пиёда вафот этди.
Вилоят ИИББ матбуот хизматининг хабар беришича, воқеа 23 сентябрь куни тунги вақтда туманнинг «Айдарали» МФЙ ҳудудидан ўтган йўлда юз берган. Номалум транспорт воситаси йўл четида кетаётган 1980 йилда туғилган кишини уриб юбориб, унга ёдам кўрсатмасдан воқеа жойидан қочиб кетган. Оқибатда пиёда олган тан жароҳатларидан вафот этган.
ИИБ ходимлари томонидан олиб борилган тезкор суриштирув ва қидирув ишлари натижасида бу жиноятни 1999 йилда туғилган ҳайдовчи Isuzu автобусида содир этгани аниқланган. Унга нисбатан Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш одам ўлишига сабаб бўлиши) жиноят иши қўзғатилиб, эҳтиёт чораси сифатида қамоққа олинган.
Мавзуга доир: Навоийда 17 ёшли йигит Lacetti’да одам уриб юбориб, воқеа жойидан қочиб кетди (видео)
Изоҳ (0)