“O‘ztemiryo‘lyo‘lovchi” 5-oktabrdan Buxoro—Xiva—Buxoro yo‘lovchi poyezdi harakati tiklanishini e’lon qildi.
Ma’lum qilinishicha, ushbu yo‘nalish O‘zbekistonda turizmni rivojlantirish va turistik firmalarning talabiga asosan tiklanadi.
Poyezd 5-oktabrdan 13-noyabrgacha haftaning chorshanba, juma va yakshanba kunlaridan boshlab Buxorodan, 6-oktabrdan 14-noyabrgacha haftaning payshanba, shanba va dushanba kunlaridan boshlab Xivadan jo‘naydi.
Chiptalarni temiryo‘l kassalaridan yoki ushbu havola orqali elektron tarzda harid qilish mumkin.
“O‘zbekiston temir yo‘llari” 28-sentabrdan boshlab Andijon—Xiva—Andijon yo‘nalishi bo‘yicha qo‘shimcha yo‘lovchi poyezdi qatnovini yo‘lga qo‘ygandi. 29-sentabrdan esa Andijondan harakatlanayotgan Andijon—Buxoro yo‘lovchi poyezdining harakat yo‘nalishi Urganch bekatigacha uzaytirilgandi.
Mavzuga doir: O‘zbekistonda yil oxirigacha yo‘lovchi vagonlarning bir qismi kapital ta’mirdan so‘ng yangilanadi
Izoh (0)