Ozod etilgan Kupyansk, safarbar qilingan rossiyaliklarning o‘quv lageri. Urushning 218-kunidan fotoreportaj
Shu hafta Ukraina qurolli kuchlari strategik muhim shahar tipidagi Kupyansk-Uzloviy aholi punkti va Oskolning sharqiy sohilidagi qishloqlarni Rossiyadan qaytarib oldi. Ushbu daryo ustidan o‘tuvchi ko‘prik hozir deyarli vayron bo‘lgan — undan harbiy texnikalarni olib o‘tishda foydalanilgan edi. Kupyansk viloyati markazi Ukraina Qurolli kuchlari tomonidan ozod qilingan, biroq Xarkov viloyatining bir qismi Rossiya ishg‘oli ostida qolmoqda. 29-sentabr, payshanba kuni Rossiya qurolli kuchlari Kramatorskka raketa hujumi uyushtirdi: Ukraina rasmiylariga ko‘ra, kamida 11 kishi yaralangan. Rossiyada safarbarlik faol davom etmoqda — chaqiruv qog‘ozini olgan rossiyaliklarning bir qismi turli mintaqalarda tayyorgarlikdan o‘tmoqda. Biroq, harbiy xizmatga chaqirilgan rossiyaliklarning ba’zilari allaqachon frontga yuborilgani haqida dalillar mavjud. Meduza urushning 218-kuniga oid asosiy kadrlar bilan bo‘lishdi.
Ukraina harbiylari tomonidan ozod qilingan Kupyansk
Ukraina nazoratidagi Kramatorsk shahri aholisi hovlilarida ovqat pishirmoqda. Shahar rus qo‘shinlarining Donbassdagi hujumi asosiy nishonlaridan biri bo‘lib, u muntazam o‘qqa tutiladi.Foto: AFP
Kupyanskdagi Oskol daryosi yaqinida odamlar Ukraina tanki oldidan yo‘lni kesib o‘tmoqda.Foto: AFP
Oskol daryosi yaqinida ukrainalik harbiylar tomonidan ishdan chiqarilgan rus piyodalari jangovar mashinasi.Foto: AFP
Kapotida Z yozuvli (Rossiya Qurolli kuchlarining ramzi) ishdan chiqarilgan mashina va uning yonida yotgan odam jasadi.Foto: AFP
Kupyanskdan evakuatsiya qilinayotgan ukrainaliklardan biri rus askarining jasadi yonidan o‘tmoqda.Foto: AFP
Ukraina harbiylari Oskol ko‘lidan o‘tuvchi strategik muhim ko‘prik portlagandan keyin. Versiyalardan biriga ko‘ra, ko‘prik Ukraina Qurolli kuchlari tomonidan, boshqasiga ko‘ra Rossiya tomonidan portlatilgan.Foto: AFP
Xarkov
Xarkovlik kishi erta tongda tumanli havoda itlarini sayr qildirmoqda.Foto: AFP
Xarkov viloyatining Shevchenko qishlog‘ida olomon Ilon Maskning Starlink sun’iy yo‘ldosh internet terminali yonida to‘planib turibdi. Urush boshlanganidan keyin ushbu tizimlar Ukraina hukumati bilan kelishilgan holda mamlakatga faol ravishda olib kelinmoqda.Foto: AFP
Rossiyaning Leningrad viloyatida safarbar etilgan fuqarolarning o‘quv lageri
21-sentabrdan keyin Leningrad viloyatining Lujsk artilleriya poligonidagi o‘quv lageriga safarbar qilingan rossiyaliklar.Foto: “TASS”
Foto: “TASS”
Foto: “TASS”
Kramatorskning o‘qqa tutilishi
Ukraina politsiyasi zobiti Kramatorskda Rossiya hujumidan shikastlangan mashina yonidan o‘tmoqda. Shahar hozirda Ukraina Qurolli kuchlari nazorati ostida.Foto: AP Photo
Ukraina nazoratidagi Kramatorskda yashovchi kishi Rossiya hujumidan vayron bo‘lgan kvartirasini tozalamoqda.Foto: AFP
Rossiya snaryadi tushishidan hosil bo‘lgan o‘ra yaqinidagi kramatorskliklar.Foto: AP Photo
Ukrainalik politsiyachi Kramatorskdagi hujumda qanday o‘q-dorilar ishlatilganini aniqlash uchun rus snaryadlari portlagan joyni tekshirmoqda.Foto: AP Photo
Kramatorsklik keksa ayol vayron bo‘lgan bino yonidan o‘tmoqda.Foto: AFP
Izoh (0)