AQSH prezidenti Jo Bayden, kelib tushayotgan ma’lumotlarga ko‘ra, Amerikaning Florida shtatiga yopirilgan “Ien” dovuli aholi orasida katta sonli qurbonlarni keltirib chiqarishi mumkinligini qayd etdi. Bu haqda “Interfaks” xabar berdi.
“Bu Florida tarixidagi eng ko‘p o‘lim keltirgan bo‘ronga aylanishi mumkin. Bizda mavjud raqamlar uzil-kesil emas, lekin kelib tushayotgan xabarlarga qaraganda, qurbonlar soni katta bo‘lishi mumkin”, — dedi Bayden Favqulodda vaziyatlar bo‘yicha federal agentlik bosh qarorgohida o‘tkazilgan matbuot anjumanida.
Bayden, shuningdek, mahalliy mansabdorlarni qo‘llab-quvvatlashga va’da berdi, vayronagarchiliklarni tozalash va jamoat binolarini qayta tiklash bo‘yicha xarajatlarning barchasini federal hukumat qoplashini aytdi.
Hukumat uylari vayron bo‘lgan yoki zarar ko‘rgan odamlarni ham qo‘llab-quvvatlaydi.
ABC News telekanali ma’lumotlariga ko‘ra, ayni paytgacha “Ien” dovuli tufayli Floridada kamida to‘qqiz kishi halok bo‘lgan.
Sharlott okrugi komissari Kris Konstans telekanalga ma’lum qilishicha, ushbu okrugda olti kishi halok bo‘lgan. Shuningdek, Sarasota okrugida ikkita o‘lim qayd etilgan. Volusiya okrugida esa bir kishi halok bo‘lgan.
Floridada 2,3 milliondan ziyod iste’molchi hamon elektrsiz qolmoqda.
“Ien” dovuli Floridaga 28-sentabr kuni yopirildi, o‘shanda unga kuchlilik darajasi bo‘yicha to‘rtinchi toifa berilgan edi. Shamol tezligi soatiga 250 kilometrgacha yetgan.
AQSH Milliy dovullar markazi ma’lumotlariga qaraganda, 29-sentabr kuni kechqurun “Ien”ning kuchi birinchi toifagacha pasaygan, shamolning maksimal tezligi soatiga 120 kilometrgacha yetmoqda.
Meteorologlar ogohlantirishicha, “Ien” Janubiy va Shimoliy Karolina hamda Jorjiya shtatlariga qarab harakatlanmoqda. Kuchli shamol, jala va hayot uchun xavfli bo‘lgan suv toshqinlari kutilmoqda.
Aerial videos of Lee County and the city of Kissimmee, both in Florida, show some of the widespread destruction caused by Hurricane Ian.
— The New York Times (@nytimes) September 29, 2022
Latest storm updates: https://t.co/c4xMkaF9q0 pic.twitter.com/lcDPjPJpIL
Izoh (0)