Eron ayollar huquqlarini himoya qiluvchi Open Stadiums tashkiloti FIFAga murojaat bilan chiqdi.
Tashkilot mamlakatda ayollarga bo‘lgan munosabat tufayli Eron terma jamoasini JCH—2022 dan chetlatilishini so‘rab FIFAga murojaat yo‘llagan.
Eronda 16-sentabrdan buyon tartibsizlik va noroziliklar davom etmoqda. Bunga sabab 22 yoshli Mahsa Aminining “hijobni noto‘g‘ri o‘ragani” uchun hibsga olingan va bir muddat politsiya bo‘limida bo‘lganidan so‘ng komaga tushib, uch kundan so‘ng shifoxonada vafot etgani bo‘lmoqda.
FIFA prezidenti Janni Infantinoga yo‘llangan xatda tashkilot, shuningdek, Eron hukumati hamon ayollarga futbol o‘yinlariga tashrif buyurishni taqiqlayotganini ham qayd etib o‘tgan.
Eron futbol federatsiyasi nafaqat rejim jinoyatlariga sherik. Bu Erondagi va terma jamoa ishtirok etadigan dunyoning istalgan joyidagi ayol muxlislar xavfsizligiga tahdiddir. Futbol barcha uchun xavfsiz maydon bo‘lishi lozim.Avvalroq “Portu” klubi va Eron terma jamoasi hujumchisi Mehdi Taremi 22 yoshli qiz Mahsa Aminiyning o‘limi va uning ortidan mamlakatda yuz berayotgan voqealar haqida fikr bildirgandi.Shu bois, eronlik futbol ishqibozlari sifatida biz Eronning bo‘lajak Jahon Chempionatidagi ishtirokidan chuqur xavotirimizni bildirishimiz kerak.
Nima uchun FIFA nafaqat asosiy inson huquqlari va qadr-qimmatini hurmat qilishdan bosh tortayotgan, balki ayni damda o‘z xalqini qiynoqqa solib, o‘ldirayotgan Eron hukumatiga jahon sahnasini bermoqda? FIFA prinsiplari qayerda qoldi?
Shuning uchun biz FIFAdan o‘z nizomining 3 va 4-moddalariga muvofiq Eronni zudlik bilan Qatarda bo‘lib o‘tadigan Jahon Chempionatidan chetlatishini so‘raymiz.
Open Stadiums, ayollar huquqlarini himoya qiluvchi tashkilot
Mamlakatda 2009-yildan beri hukumatga qarshi eng yirik namoyishlar 16-sentabr kuni boshlangan edi. 24-sentabr kuni namoyishlar Eronning 80 ta shahriga tarqaldi.
Izoh (0)