Эрон аёллар ҳуқуқларини ҳимоя қилувчи Open Стадиумс ташкилоти ФИФАга мурожаат билан чиқди.
Ташкилот мамлакатда аёлларга бўлган муносабат туфайли Эрон терма жамоасини ЖЧ—2022 дан четлатилишини сўраб ФИФАга мурожаат йўллаган.
Эронда 16 сентябрдан буён тартибсизлик ва норозиликлар давом этмоқда. Бунга сабаб 22 ёшли Маҳса Аминининг «ҳижобни нотўғри ўрагани» учун ҳибсга олинган ва бир муддат полиция бўлимида бўлганидан сўнг комага тушиб, уч кундан сўнг шифохонада вафот этгани бўлмоқда.
ФИФА президенти Жанни Инфантинога йўлланган хатда ташкилот, шунингдек, Эрон ҳукумати ҳамон аёлларга футбол ўйинларига ташриф буюришни тақиқлаётганини ҳам қайд этиб ўтган.
Эрон футбол федерацияси нафақат режим жиноятларига шерик. Бу Эрондаги ва терма жамоа иштирок этадиган дунёнинг исталган жойидаги аёл мухлислар хавфсизлигига таҳдиддир. Футбол барча учун хавфсиз майдон бўлиши лозим.Аввалроқ «Порту» клуби ва Эрон терма жамоаси ҳужумчиси Меҳди Тареми 22 ёшли қиз Маҳса Аминийнинг ўлими ва унинг ортидан мамлакатда юз бераётган воқеалар ҳақида фикр билдирганди.Шу боис, эронлик футбол ишқибозлари сифатида биз Эроннинг бўлажак Жаҳон Чемпионатидаги иштирокидан чуқур хавотиримизни билдиришимиз керак.
Нима учун ФИФА нафақат асосий инсон ҳуқуқлари ва қадр-қимматини ҳурмат қилишдан бош тортаётган, балки айни дамда ўз халқини қийноққа солиб, ўлдираётган Эрон ҳукуматига жаҳон саҳнасини бермоқда? ФИФА принциплари қаерда қолди?
Шунинг учун биз ФИФАдан ўз низомининг 3 ва 4-моддаларига мувофиқ Эронни зудлик билан Қатарда бўлиб ўтадиган Жаҳон Чемпионатидан четлатишини сўраймиз.
Open Стадиумс, аёллар ҳуқуқларини ҳимоя қилувчи ташкилот
Мамлакатда 2009 йилдан бери ҳукуматга қарши энг йирик намойишлар 16 сентябрь куни бошланган эди. 24 сентябрь куни намойишлар Эроннинг 80 та шаҳрига тарқалди.
Изоҳ (0)