“Biz Ukrainani o‘z hududlarini qaytib olishi uchun qo‘llab-quvvatlashda davom etamiz” — Bayden hamjamiyatni Rossiyaga qarshi keskin choralar ko‘rishga undadi

AQSH prezidenti Jo Baydenning Ukraina va Rossiya mojarolariga qaratilgan bayonoti e’lon qilindi, deya xabar beradi Ateo Breaking.

Qo‘shma Shtatlar Rossiyaning Ukraina suveren hududini anneksiya qilishga qaratilgan bugungi firibgarlik urinishini qoralaydi. Rossiya xalqaro huquqni buzdi, BMT Nizomini oyoqosti qildi va tinchliksevar xalqlarga nisbatan nafratini namoyish etdi.

Biz Ukrainaning o‘z hududi ustidan nazoratni tiklash, harbiy va diplomatik mavqeyini mustahkamlash borasidagi sa’y-harakatlarini qo‘llab-quvvatlashda davom etamiz.

Biz yangi sanksiyalarni e’lon qilamiz. Ushbu sanksiyalar jismoniy va yuridik shaxslar uchun — ularni Rossiya ichida va undan tashqarida muammolarga yetaklaydi.

Biz xalqaro hamjamiyatni Rossiyani javobgarlikka tortishga chaqiramiz. Va biz Rossiya Federatsiyasining chegaralarni qayta chizishga urinishlariga qaramay, Ukrainani o‘z-o‘zini himoya qilish uchun zarur bo‘lgan jihozlar bilan ta’minlashda davom etamiz.

Kongress tomonidan Ukrainaga yana 12 milliard dollar ajratadigan qonun imzolanishini intiqlik bilan kutaman.

Men xalqaro hamjamiyatning barcha a’zolarini Rossiyaning noqonuniy anneksiya qilish urinishlarini rad etishga va Ukraina xalqi yonida bo‘lishga chaqiraman. Qancha kerak bo‘lsa ham.

Jo Bayden, AQSH prezidenti

• “Biz muloqotga tayyormiz, ammo boshqa prezident bilan” — Zelenskiy Rossiyada prezident almashsagina muzokaralar stoliga qaytishini ta’kidladi
• Rossiyaning Nyu-Yorkdagi bosh konsulligi binosi qizil bo‘yoqqa bo‘yaldi (video)