«Биз Украинани ўз ҳудудларини қайтиб олиши учун қўллаб-қувватлашда давом этамиз» — Байден ҳамжамиятни Россияга қарши кескин чоралар кўришга ундади

АҚШ президенти Жо Байденнинг Украина ва Россия можароларига қаратилган баёноти эълон қилинди, дея хабар беради Ateo Breaking.

Қўшма Штатлар Россиянинг Украина суверен ҳудудини аннексия қилишга қаратилган бугунги фирибгарлик уринишини қоралайди. Россия халқаро ҳуқуқни бузди, БМТ Низомини оёқости қилди ва тинчликсевар халқларга нисбатан нафратини намойиш этди.

Биз Украинанинг ўз ҳудуди устидан назоратни тиклаш, ҳарбий ва дипломатик мавқейини мустаҳкамлаш борасидаги саъй-ҳаракатларини қўллаб-қувватлашда давом этамиз.

Биз янги санкцияларни эълон қиламиз. Ушбу санкциялар жисмоний ва юридик шахслар учун — уларни Россия ичида ва ундан ташқарида муаммоларга етаклайди.

Биз халқаро ҳамжамиятни Россияни жавобгарликка тортишга чақирамиз. Ва биз Россия Федерациясининг чегараларни қайта чизишга уринишларига қарамай, Украинани ўз-ўзини ҳимоя қилиш учун зарур бўлган жиҳозлар билан таъминлашда давом этамиз.

Конгресс томонидан Украинага яна 12 миллиард доллар ажратадиган қонун имзоланишини интиқлик билан кутаман.

Мен халқаро ҳамжамиятнинг барча аъзоларини Россиянинг ноқонуний аннексия қилиш уринишларини рад этишга ва Украина халқи ёнида бўлишга чақираман. Қанча керак бўлса ҳам.

Жо Байден, АҚШ президенти

• «Биз мулоқотга тайёрмиз, аммо бошқа президент билан» — Зеленский Россияда президент алмашсагина музокаралар столига қайтишини таъкидлади
• Россиянинг Нью-Йоркдаги бош консуллиги биноси қизил бўёққа бўялди (видео)