Turkiya hukumati yaqin ikki kun ichida mamlakatda MIR tizimiga muqobil sifatida foydalanishni rejalashtirayotgan yangi to‘lov tizimi tafsilotlarini e’lon qiladi. Bu haqda Turkiyaning Aydınlik gazetasi xabar bermoqda.
Ma’lum bo‘lishicha, yaqinda Turkiya prezidenti Erdo‘g‘on ixtisoslashgan iqtisodiy tuzilmalar xodimlari bilan MIR kartalarini qabul qilish muammosi bo‘yicha yig‘ilish o‘tkazgan.
Nashrning yozishicha, yig‘ilishdan so‘ng bu yo‘nalishda ishlar davom etayotgani ma’lum bo‘ldi.
Ta’kidlanishicha, MIR tizimiga muqobil sifatida ishlab chiqilayotgan to‘lov tizimi tafsilotlari bir yoki ikki kun ichida e’lon qilinadi
20 sentabr kuni Turkiyaning ikkita yirik banki MIR kartalari bilan operatsiyalarni to‘xtatgan edi.
Avvalroq O‘zbekistonda MIR kartalariga xizmat ko‘rsatish to‘xtatilgan edi.
AQSH MIR kartalari tufayli xorijiy banklar uchun sanksiyalar xavfini e’lon qilgan.
Buning ortidan Turkiyaning ikkita yirik banki MIR kartalari bilan operatsiyalarni to‘xtatgan edi.
Keyinchalik Qozog‘iston va Vyetnam banklari ham MIR kartalariga xizmat ko‘rsatmasligini ma’lum qilgan.
Izoh (0)