Туркия ҳукумати яқин икки кун ичида мамлакатда МИР тизимига муқобил сифатида фойдаланишни режалаштираётган янги тўлов тизими тафсилотларини эълон қилади. Бу ҳақда Туркиянинг Aydınlik газетаси хабар бермоқда.
Маълум бўлишича, яқинда Туркия президенти Эрдўғон ихтисослашган иқтисодий тузилмалар ходимлари билан МИР карталарини қабул қилиш муаммоси бўйича йиғилиш ўтказган.
Нашрнинг ёзишича, йиғилишдан сўнг бу йўналишда ишлар давом этаётгани маълум бўлди.
Таъкидланишича, МИР тизимига муқобил сифатида ишлаб чиқилаётган тўлов тизими тафсилотлари бир ёки икки кун ичида эълон қилинади
20 сентябрь куни Туркиянинг иккита йирик банки МИР карталари билан операцияларни тўхтатган эди.
Аввалроқ Ўзбекистонда МИР карталарига хизмат кўрсатиш тўхтатилган эди.
АҚШ МИР карталари туфайли хорижий банклар учун санкциялар хавфини эълон қилган.
Бунинг ортидан Туркиянинг иккита йирик банки МИР карталари билан операцияларни тўхтатган эди.
Кейинчалик Қозоғистон ва Вьетнам банклари ҳам МИР карталарига хизмат кўрсатмаслигини маълум қилган.
Изоҳ (0)