O‘zbekistonda iste’molchilarga to‘langan keshbeklar 421 mlrd so‘mdan oshdi. Bu haqda Davlat soliq qo‘mitasi xabar bermoqda.
Avgust oyi uchun 788 ming nafar iste’molchiga 80,9 mlrd so‘m keshbek to‘landi. Bu yil boshidan beri eng yuqori ko‘rsatkichdir.
Iyul oyida 70 mlrd so‘mdan, aprel va iyun oylarida esa 60 mlrd so‘mdan oshiq keshbek to‘langan edi.
Shuningdek, kamchiliklar bartaraf etilishi natijasida — yanvar-iyul oylari uchun yana 2,7 mlrd so‘m keshbek tasdiqlandi.
Yil boshidan buyon 1,17 mln nafar fuqaroga 421,3 mlrd so‘m keshbek to‘lab berilgan.
Avvalroq Soliq mobil ilovasida yangi imkoniyatlar paydo bo‘lgani haqida xabar berilgan edi.
Izoh (0)