Toshkent viloyati, Bo‘stonliq tumanidagi “Zumrad servis”ning bino va inshootlari kimoshdi savdosida sotildi. Lot ma’lumotlari “E-auksion” portalida e’lon qilingan.
Lot auksionga Davlat aktivlarini boshqarish agentligi tomonidan qo‘yilgan.
Yer uchastkasining umumiy maydoni — 7,04 gektar. Binoning maydoni — 2 832 kvadrat metr. Binolarda suv va elektr ta’minoti mavjud, gaz va kanalizatsiya esa yo‘q.
Auksionga qo‘yilgan bino va inshootlarning boshlang‘ich bahosi — 32,5 mlrd so‘m edi. 5-sentyabr kuni o‘tkazilgan kimoshdi savdosida VIP Logistics kompaniyasi lotni 34,1 mlrd so‘mga sotib oldi.
VIP Logistics kompaniyasi 2011-yil avgustda ro‘yxatdan o‘tkazilgan. Qo‘shma korxona avtomobil transportida yuk tashish bilan shug‘ullanadi.
Kompaniyaning ustav fondi 2,7 mlrd so‘mni tashkil qiladi. Rahbar sifatida Dilmurod Rahmatullayev ko‘rsatilgan.
Avvalroq kompaniya “Piramida” dam olish maskanini 208 mlrd so‘mga sotib olgani haqida xabar berilgandi.
Izoh (0)