Yevropa Komissiyasi (YK) uzoq vaqt davomida haq to‘lanmaydigan ta’tilda bo‘lgan xodimlariga xususiy kompaniyalarda ishlashni taqiqladi. Bu haqda Financial Times xabar bermoqda.
YK vakilining so‘zlariga ko‘ra, xodimlarning bir qismi uzaytirilgan ta’til vaqtida advokatlik firmalari bilan ishlagan va mijozlarining manfaatlari Yevropa Ittifoqi pozitsiyasiga zid bo‘lgan ishlarga aralashgan.
Bryussel manfaatlar to‘qnashuvini hal qilish maqsadida yangi qoida joriy qilmoqda, — deydi u.
Yevropa komissiyasining qarori Yevroparlament tomonidan keskin tanqid qilindi. Yevropa ombudsmani Emili O’Reylining fikricha, bu mansabdorlarning huquqlarini poymol qiladi.
U Bryusselni xalqning Yevropa Ittifoqiga ishonchini susaytirishi mumkin bo‘lgan bunday amaliyotlardan voz kechishga chaqirdi.
Nashr YKning bunday qarorini mansabdor shaxslarni xususiy sektordagi tajribadan mahrum qiluvchi uzoqni ko‘rmaslik, deb hisoblaydigan ekspertlar fikrini keltirib o‘tadi.
Ta’kidlanishicha, bunday tajriba huquqiy masalalar, moliyaviy xizmatlar va energiya bilan shug‘ullanadigan bo‘limlar xodimlari uchun katta ahamiyatga ega.
Avvalroq Yevropa Ittifoqi Putinning tahdidlaridan keyin neft narxini cheklashga shoshilayotgani haqida xabar berilgandi.
Izoh (0)