Европа Комиссияси (ЙК) узоқ вақт давомида ҳақ тўланмайдиган таътилда бўлган ходимларига хусусий компанияларда ишлашни тақиқлади. Бу ҳақда Financial Times хабар бермоқда.
ЙК вакилининг сўзларига кўра, ходимларнинг бир қисми узайтирилган таътил вақтида адвокатлик фирмалари билан ишлаган ва мижозларининг манфаатлари Европа Иттифоқи позициясига зид бўлган ишларга аралашган.
Брюссель манфаатлар тўқнашувини ҳал қилиш мақсадида янги қоида жорий қилмоқда, — дейди у.
Европа комиссиясининг қарори Европарламент томонидан кескин танқид қилинди. Европа омбудсмани Эмили ЎРейлининг фикрича, бу мансабдорларнинг ҳуқуқларини поймол қилади.
У Брюсселни халқнинг Европа Иттифоқига ишончини сусайтириши мумкин бўлган бундай амалиётлардан воз кечишга чақирди.
Нашр ЙКнинг бундай қарорини мансабдор шахсларни хусусий сектордаги тажрибадан маҳрум қилувчи узоқни кўрмаслик, деб ҳисоблайдиган экспертлар фикрини келтириб ўтади.
Таъкидланишича, бундай тажриба ҳуқуқий масалалар, молиявий хизматлар ва энергия билан шуғулланадиган бўлимлар ходимлари учун катта аҳамиятга эга.
Аввалроқ Европа Иттифоқи Путиннинг таҳдидларидан кейин нефть нархини чеклашга шошилаётгани ҳақида хабар берилганди.
Изоҳ (0)