Yoqutiston rahbari xatolik bilan safarbar qilinganlarni qaytarishni talab qildi

Yoqutiston rahbari Aisen Nikolayev mahalliy hokimiyat organlariga safarbarlikka tortilmaydigan fuqarolarni harbiy xizmatga chaqirish holatlarini istisno qilish maqsadida harbiy komissarliklar bilan hamkorlikni kuchaytirishni topshirdi. Bu haqda “Kommersant” xabar bermoqda.

Xatolik bilan safarbar qilingan har bir kishi ortga qaytarilishi kerak. Bu ish allaqachon boshlangan, — deydi u.

Fuqarolarni safarbar qilish mumkin bo‘lmagan holatlar mavjud bo‘lib, ular harbiy xizmatga chaqirilmasligi kerak.

Masalan, 16 yoshgacha bo‘lgan 4 va undan ortiq farzandi bo‘lgan ko‘p bolali otalarni muddatli harbiy xizmatga chaqirish holatlariga yo‘l qo‘ymaslik uchun u mahalliy hokimiyatlarning harbiy komissariatlar bilan o‘zaro hamkorligini kuchaytirish bo‘yicha ko‘rsatma berdi.

Rossiyada 21-sentabr kuni Vladimir Putinning farmoni bilan qisman safarbarlik e’lon qilindi. Mudofaa vazirligi 300 ming zaxiradagi askar chaqirilishini ma’lum qildi.

Mavzuga doir:

• Rossiyada qisman safarbarlik e’lon qilingach, Moskvadan Istanbul, Toshkent va Tbilisiga chiptalar tezlikda sotilib ketdi
• Rossiyada safarbarlik e’lon qilinganidan keyin mamlakat fond bozori quladi
• Rossiyada harbiy safarbarlikka qarshi namoyishlar bo‘lib o‘tdi, 1400 dan ortiq odam hibsga olindi