O‘zbekistonda yoshlarning 40 foizi Oliy ta’lim muassasalarida tahsil olayotgani ma’lum bo‘ldi. Bu haqda ayni paytda Oliy va o‘rta maxsus ta’lim vazirligida bo‘lib o‘tayotgan tadbirda ma’lum qilindi.
Oliy ta’lim muassasalari va akademik litseylar reytingini e’lon qilishga bag‘ishlangan tadbirda so‘z olgan Ta’lim inspeksiyasi boshlig‘i Ulug‘bek Toshkenboyev oliy ta’lim muassasalarining qamrov ko‘rsatkichlariga to‘xtalib o‘tdi.
So‘nggi yillarda yoshlarning sifatli oliy ta’lim olish imkoniyatlarini kengaytirish davlat siyosatining asosiy ustuvor vazifasi bo‘lib kelmoqda. Xususan, yoshlarning oliy ta’lim bilan qamrov darajasi to‘rt barabarga oshdi. 2016-yilda o‘zbekistonlik yoshlarning 9 foizi Oliy ta’lim muassasalarida tahsil olgan bo‘lsa, 2022-yilda ularning 40 foizi talab degan nomga erishgan.Aytilishicha, ta’lim xizmatlari bozorida xorijiy va nodavlat ta’lim xizmatlari vakillarining ishtiroki kengaygan.Ulug‘bek Toshkenboyev, Ta’lim inspeksiyasi boshlig‘i
Oliy ta’lim muassasalari soni uch marotaba (2016-yilda 65 ta 2022-yilda 177 ta), nodavlat OTMlar soni 13 marotaba (2016-yilda 4 ta bo‘lsa, 2022-yilda 53 taga oshdi. Qamrov bilan bir qatorda ta’lim sifatini ham ta’minlash bugungi kunda dolzarb bo‘lib turibdi. Jahon bankining inson kapitali indeksi tadqiqot natijalariga ko‘ra, amaldagi ta’lim tizimi yoshlarga o‘z salohiyatining o‘rtacha 62 foizini ruyobga chiqarish imkonini bermoqda.Ulug‘bek Toshkenboyev, Ta’lim inspeksiyasi boshlig‘i
Izoh (0)