Москва биржаси индекси урушдан бери биринчи марта 2 минг пунктдан пасайди

Москва биржаси индекси 24 февралдан бери биринчи марта 2 минг пунктдан пастга тушди. Бу ҳақда «Коммерсантъ» хабар бермоқда. 

Эрталабки савдолар давомида Москва биржаси индекси 4,69 фоизга тушиб, 1 991 га етди. Индекс 24 февралдан бери биринчи марта 2000 дан пастга тушди. RTS индекси 5,8 фоизга тушиб, 1 075 пунктни ташкил этди.

Компаниялар кесимида ВК акциялари 7 фоизга, Yandex акциялари 5,7 фоизга, Lukoil акциялари эса 4,3 фоизга пасайди. 

ЛХР, ДХР, Запорожье ва Харьков вилоятларининг Россияга қўшилиш бўйича референдумлари фонида фонд бозори пасайиб бормоқда.

Аввалроқ Қозоғистон Украина вилоятларининг Россияга қўшилиши бўйича референдумларни тан олмаслигини маълум қилган эди.