Fransiya terma jamoasi Millatlar Ligasi 6-turida Daniyaga 0:2 hisobida yutqazib qo‘ydi.
2022-yilda Didye Desham shogirdlari umumiy hisobda uch bor mag‘lubiyatga uchradi: Daniya (1:2 va 0:2) hamda Xorvatiyaga (0:1). Bu mag‘lubiyatlarning barchasi Millatlar Ligasida qayd etildi.
Bu orqali Fransiya terma jamoasi o‘z tarixidagi antirekordni takrorladi. 1966, 1981, 2008 va 2010-yillarda ham Fransiya bir yil ichida uchta rasmiy o‘yinda mag‘lub bo‘lgandi.
Jamoaning keyingi rasmiy o‘yini JCH—2022 guruh bosqichi doirasida Avstraliyaga qarshi bo‘ladi. Shuningdek, amaldagi jahon chempioni guruhda Daniya va Tunisga qarshi o‘ynaydi.
Fransiya Millatlar Ligasi A Ligasi 1-guruhida 5 ochko jamg‘arib, 3-o‘rinni qo‘lga kiritdi. Guruhda Xorvatiya (13 ochko) birinchi o‘rin bilan yarim finalga yo‘l olgan bo‘lsa, Daniya (12) ikkinchi o‘rinda qayd etildi. 4 ochko to‘plagan Avstriya esa B Ligaga ravona bo‘ldi.
Izoh (0)