Uzbekistan Airports rasmiy saytida onlayn tablo ishga tushirildi. Bu haqda kompaniya matbuot xizmati xabar bermoqda.
Endi “www.uzbairports.uz” orqali O‘zbekistonning barcha 11 xalqaro aeroportlarida muntazam xalqaro va ichki reyslarning jo‘nab ketish/kelishlarini kuzatish imkoni paydo bo‘ldi.
Yo‘lovchilar va kutib oluvchilarga qulaylik yaratish maqsadida har bir reys haqida onlayn tabloda real vaqt rejimida quyidagi ma’lumotlar aks ettiriladi:
- sana;
- vaqt;
- parvoz raqami;
- aviakompaniya nomi;
- yo‘nalish;
- terminal;
- bortga chiqish eshigi;
- parvoz holati (jo‘nab ketgan taqdirda);
- lenta raqami va bagajni qabul qilish vaqti (kelishda).
Uzbekistan Airports veb-saytida onlayn tablo yaratilishi aeroport faoliyatining asosiy jarayonlarini raqamlashtirish maqsadida IT-infratuzilmasini yaratish bosqichlaridan biri, — deyiladi xabarda.
Avvalroq Toshkent aeroportida terminallararo bepul avtobus qatnovi yo‘lga qo‘yilgani, O‘zbekistondagi aeroportlarning umumiy foydasi ma’lum bo‘lgani haqida xabar berilgan edi.
Izoh (0)