Volkswagen mintaqada gaz ta’minoti bilan bog‘liq muammolar saqlanib qolsa, Germaniya va Sharqiy Yevropada avtomobil ishlab chiqarishni to‘xtatishi mumkin. Bu haqda Bloomberg kompaniyaning bayonotiga tayanib xabar berdi.
Uning so‘zlariga ko‘ra, gaz taqchilligi joriy qishdan keyin ham uzoq davom etsa, bu kompaniya o‘rta muddatli istiqbolda ko‘rib chiqayotgan variantlardan biridir. Asosiy VW zavodlari Germaniya, Chexiya va Slovakiyada joylashgan.
Agar Germaniya gaz omborini to‘ldirishda davom etsa, kompaniya kelgusi besh-olti oy davomida ishlab chiqarishni saqlab qolishi mumkin, — deb xabar berdi Reuters o‘z nomini oshkor qilmaslikni so‘ragan VW top-menejeriga tayanib.
Top-menejer agar Rossiyadan “Shimoliy oqim 1” orqali yetkazib berish tiklanmasa, 2023-yilning iyunigacha gaz taqchilligi davom etishini kutmoqda.
Yevropa davlatlari va kompaniyalari qish mavsumiga tayyorgarlik ko‘rib, Rossiyadan yetkazib berilayotgan gaz ta’minoti qisqarayotgan bir paytda gaz zaxiralarini to‘plamoqda.
Gas Infrastructure Europe ma’lumotlariga ko‘ra, Germaniyadagi gaz omborlari hozirda 90 foizga to‘lgan.
Avvalroq Porsche 75 mlrd dollarga baholanayotgani haqida xabar berilgandi.
Izoh (0)