Toshkentdagi ta’mirtalab texnologik kompleks 62 mlrd so‘mga sotildi

Toshkent shahri, Mirobod tumanidagi kimoshdi savdosiga qo‘yilgan texnologik kompleks sotildi. Lot ma’lumotlar “E-auksion” portalida e’lon qilingan.

Lot auksionga Davlat aktivlarini boshqarish agentligi tomonidan joylashtirilgan.

Yer uchastkasining umumiy maydoni — 4,4 gektar. Binoning maydoni — 38 526 kvadrat metr. Unda gaz, suv, elektr ta’minoti va kanalizatsiya tizimi mavjud.

Auksionga qo‘yilgan binoning boshlang‘ich bahosi — 59,6 mlrd so‘m edi. Savdo 13-sentabr soat 10:00 da o‘tkazildi va bino 62 mlrd so‘mga sotildi.

Avvalroq Xorazmdagi mehmonxona 18,5 mlrd so‘mga auksionga qo‘yilgani haqida xabar berilgandi.