Joriy yilning 23-sentabr kuni Jizzax viloyatining Baxmal tumanida respublikamizning yigirmadan ortiq respublika va xududiy OAV vakillari, jurnalist va blogerlar uchun press-tur tashkil etildi.
Ommaviy axborot vositalari, televideniye, gazeta va jurnallar bilan bir qatorda za’faron plantatsiyasida tashkil etilgan namunaviy ekish tadbirida Italiyaning mamlakatimizdagi favqulodda va muxtor elchisi Agostino Pinna, Qishloq xo‘jaligi vazirligi, Investitsiyalar va tashqi savdo vazirligi mutasaddilari hamda boshqa davlat idoralari vakillari ham ishtirok etdilar.
Avval xabar berilgandek, 2020-yilda O‘zbekistoning Italiyadagi elchixonasi ko‘magida Jizzax viloyatining Baxmal tumanida za’faron yetishtirish va qayta ishlash bo‘yicha yirik investitsiyaviy loyihaga kirishilgan edi. Ushbu loyiha doirasida 2020-yil 6-oktabr kuni Baxmal tumanida Italiyadan keltirilgan za’faron tuganak piyozboshlari yerga ekildi.
Oradan qisqa vaqt o‘tishiga qaramay, Yevropa tuprog‘ida o‘sadigan bu noyob o‘simlik Baxmal dalalarida gullay boshladi. Shu bois, tumandagi mavjud za’faron plantatsiyalarini yanada kengaytirishga qaror qilindi. O‘tgan 2021-yilda Italiyaning Breshia shahridan 20 million dona, 2022-yilda esa 16 million dona za’faron tuganak piyozboshlari yuk mashinalariga ortilib, Baxmal zaminiga keltirildi.
Jizzax viloyatining Baxmal tumanida 3 yil davomida eksportbop za’faron o‘simligini yetishtirish, qayta ishlash va eksport qilish bo‘yicha loyiha BMB TRADE GROUP va Italiyaning FIN.OPERA s.r.l. kompaniyalari ta’sischiligidagi “BMB-OPERA ZAFFERANO” va Tojikistonning “AVAS Group” kompaniyasi bilan hamkorlikda tashkil etilgan “BMB-AVAS Za’faron” qo‘shma korxonalari tomonidan 204,5 ga yer maydonida umumiy qiymati 40,4 mln. Yevro miqdoridagi investitsiyalar asosida amalga oshirilib kelinmoqda.
Qo‘shimcha 16 milliondan ortiq za’faron tuganak piyozboshlarini namunaviy ekilishi xisobiga, za’faron plantatsiyalarining umumiy maydoni 305 ga ni tashkil etdi.
Mazkur investitsiyaviy loyihaning ahamiyati shundaki, Jizzax viloyatida yetishtirilgan milliy mahsulot eng ilg‘or texnologiyalar yordamida qayta ishlanib, Yevropaga ORO ROSSO brendi ostida eksport qilib kelinmoqda.
Shuningdek, loyiha doirasida za’faron klasterining atrofida pazandachilik, farmatsevtika va boshqa sohalar uchun mahsulotlarni qayta ishlab chiqarish uchun qo‘shimcha quvvatlar barpo etilayotgani mazkur xududda minglab qo‘shimcha ish o‘rinlari yaratilishiga xizmat qildi.
Shuni ham alohida ta’kidlash lozimki, “BMB Za’faron” brendi ostidagi mahsulot Yevropaning “Analisi Chimiche Ed Ecologiche Sas” hamda “Laboratori di Ricerche Analitiche e Tecnologiche su Alimenti e Ambiyente” (Italiya) laboratoriyalarida ikki bosqichli chuqurlashtirilgan tekshiruvlar o‘tkazilgan bo‘lib, 2021-yil za’faron hosili namunalari tahlil natijasida rang, hid va ta’m ko‘rsatgichlari ISO 3632-1/2011 I-kategoriya standarti sertifikatiga ega bo‘ldi.
Mazkur yirik xalqaro investitsiyaviy loyihasini amalga oshirish natijasida nafaqat mintaqamizda, balki dunyo bo‘ylab eng yirik za’faron plantatsiyalaridan birini barpo etishga xizmat qiladi.
Sayt bmbtg.uz/zafaron
Telegram: https://t.me/bmbzafaron
Instagram: @bmb_zafaron
Murojaat uchun telefon:
- 71 203 22 99
- 93 123 22 99
Reklama huquqi asosida.
Izoh (0)