O‘zbekistonning yana bir qator hududlarida chet el valyutalarining noqonuniy muomalaga kiritilishining oldi olindi.
Bosh prokuratura huzuridagi departamentining Mingbuloq tumani bo‘limi tomonidan o‘tkazilgan tezkor tadbirda, tumandagi “O‘rda” MFY hududida valyuta ayirboshlash bilan shug‘ullanib kelgan A.G‘. va S.V. fuqaro Z.ga 3 000 AQSH dollarini 33,1 million so‘mga sotgan vaqtida ushlanib, tadbir yakunida ularning yonidan 3 348 AQSH dollari, 400 Tojikiston somoniysi, 145 turk lirasi, 4 740 qirg‘iz somi, 113 500 qozoq tengesi, 121 490 Rossiya rubli, 1 720 yevro va 6,1 million so‘m ashyoviy dalil tariqasida olingan.
Shu kabi Hazorasp tuman bo‘limi tomonidan o‘tkazilgan tezkor tadbirda, Hazorasp universal savdo kompleksi oldida valyuta ayirboshlash bilan shug‘ullanib kelgan R.K. fuqaro O.dan 3 000 AQSH dollarini jami 33 million so‘mga sotib olgan vaqtida ashyoviy dalillar bilan ushlangan.
Departamentning Urganch tuman bo‘limi tomonidan o‘tkazilgan tezkor tadbirda, Urganch markaziy dehqon bozori atrofida valyuta ayirboshlash bilan shug‘ullanib kelgan Q.Q. va D.S. oldindan o‘zaro til biriktirib, fuqaro M.dan 3 000 AQSH dollarini 32,7 million so‘mga sotib olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.
Mavzuga doir: O‘zbekistonning qator hududlarida bozorlar atrofida valyutafurushlik qiluvchilar qo‘lga olindi
Izoh (0)