Ўзбекистоннинг яна бир қатор ҳудудларида чет эл валюталарининг ноқонуний муомалага киритилишининг олди олинди.
Бош прокуратура ҳузуридаги департаментининг Мингбулоқ тумани бўлими томонидан ўтказилган тезкор тадбирда, тумандаги «Ўрда» МФЙ ҳудудида валюта айирбошлаш билан шуғулланиб келган А.Ғ. ва С.V. фуқаро З.га 3 000 АҚШ долларини 33,1 миллион сўмга сотган вақтида ушланиб, тадбир якунида уларнинг ёнидан 3 348 АҚШ доллари, 400 Тожикистон сомонийси, 145 турк лираси, 4 740 қирғиз соми, 113 500 қозоқ тенгеси, 121 490 Россия рубли, 1 720 евро ва 6,1 миллион сўм ашёвий далил тариқасида олинган.
Шу каби Ҳазорасп туман бўлими томонидан ўтказилган тезкор тадбирда, Ҳазорасп универсал савдо комплекси олдида валюта айирбошлаш билан шуғулланиб келган Р.К. фуқаро О.дан 3 000 АҚШ долларини жами 33 миллион сўмга сотиб олган вақтида ашёвий далиллар билан ушланган.
Департаментнинг Урганч туман бўлими томонидан ўтказилган тезкор тадбирда, Урганч марказий деҳқон бозори атрофида валюта айирбошлаш билан шуғулланиб келган Қ.Қ. ва Д.С. олдиндан ўзаро тил бириктириб, фуқаро М.дан 3 000 АҚШ долларини 32,7 миллион сўмга сотиб олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Мавзуга доир: Ўзбекистоннинг қатор ҳудудларида бозорлар атрофида валютафурушлик қилувчилар қўлга олинди
Изоҳ (0)