Qoraqalpog‘istonda yigit qizga kuch ishlatgani tasvirlangan video tarqalgandi. Holat yuzasidan Qoraqalpog‘iston Respublikasi IIV axborot xizmati rahbari Salavat Qallibekov “Daryo”ga rasmiy ma’lumot berdi.
Ma’lum bo‘lishicha, voqea 20-sentabr kuni soat 18:00 lar atrofida Nukusning “Gulzar” mahallasida yuz bergan.
22 yoshli yigit tanishi, 2005-yilda tug‘ilgan qiz bilan o‘zaro janjallashib qolgan. Natijada yigit voyaga yetmagan qizning yuziga tarsaki tushirgan. Holat shu yerda yashovchi 1997-yilda tug‘ilgan P.O. tomonidan tasvirga olinib, ijtimoiy tarmoqda tarqatib yuborilgan.
Mazkur voqea yuzasidan Nukus shahar IIB tomonidan Ma’muriy javobgarlik to‘g‘risidagi kodeksning 183-moddasi (mayda bezorilik) bo‘yicha tegishli hujjatlar rasmiylashtirilib, Jinoyat ishlari bo‘yicha Nukus shahar sudiga yuborilgan.
Izoh (0)