Қорақалпоғистонда йигит қизга куч ишлатгани тасвирланган видео тарқалганди. Ҳолат юзасидан Қорақалпоғистон Республикаси ИИВ ахборот хизмати раҳбари Салават Қаллибеков «Дарё»га расмий маълумот берди.
Маълум бўлишича, воқеа 20 сентябрь куни соат 18:00 лар атрофида Нукуснинг «Гулзар» маҳалласида юз берган.
22 ёшли йигит таниши, 2005 йилда туғилган қиз билан ўзаро жанжаллашиб қолган. Натижада йигит вояга етмаган қизнинг юзига тарсаки туширган. Ҳолат шу ерда яшовчи 1997 йилда туғилган П.О. томонидан тасвирга олиниб, ижтимоий тармоқда тарқатиб юборилган.
Мазкур воқеа юзасидан Нукус шаҳар ИИБ томонидан Маъмурий жавобгарлик тўғрисидаги кодекснинг 183-моддаси (майда безорилик) бўйича тегишли ҳужжатлар расмийлаштирилиб, Жиноят ишлари бўйича Нукус шаҳар судига юборилган.
Изоҳ (0)