Qashqadaryo viloyatining Yakkabog‘ tumanidagi 75-umumta’lim maktabi balansidagi yer uchastkalari ko‘p qavatli turar joy binosi qurish uchun ajratilib, asossiz ravishda begonalashtirilib, talon-toroj qilingani aniqlandi.
Viloyat prokuratura matbuot xizmatining ma’lum qilishicha, holat yuzasidan tuman hokimligi huzuridagi yer uchastkalarini egalik qilishga, foydalanishga va ijaraga berish (realizatsiya qilish) masalalarini ko‘rib chiqish doimiy komissiyasi mansabdor shaxslari va boshqalarga nisbatan Jinoyat kodeksining 205-moddasi (hokimiyat yoki mansab vakolatini suiiste’mol qilish) bilan jinoyat ishi qo‘zg‘atilib, dastlabki tergov harakatlari olib borilmoqda.
Tergovning borishi nazoratga olingan.
Mavzuga doir: Samarqandda maktab balansidagi yerni 10,4 ming dollarga sotib, puliga Gentra olgan soxta organ xodimi ushlandi
Izoh (0)