57 yoshli Mark Ruffalo yana bir bor Bryus Benner (Xalk) rolini ijro etadi. U Tom Holland bosh rolni o‘ynayotgan “O‘rgimchak-odam 4” filmida ishtirok etadi. Bu haqda The Hollywood Reporter xabar berdi.

Film syujeti hozircha sir tutilmoqda, biroq unda Jon Berntal ijrosidagi Karatel ham ishtirok etishi ma’lum. Yangi filmda aktyor Maykl Mendo Mak Gargan (chayon) obrazida qaytadi. U bu yovuz qahramonni ilk bor 2017-yilda chiqqan “O‘rgimchak-odam: Uyga qaytish” filmida o‘ynagan edi.

Ruffalo ilk bor Xalk obrazini 2012-yilda “Qasoskorlar” filmida ijro etgan va boshqa Marvel filmlarida ham bu rolni davom ettirgan.
“O‘rgimchak-odam 4” filmining premyerasi 2026-yil iyul oxiriga rejalashtirilgan. Suratga olish ishlari allaqachon boshlangan.

Izoh (0)