Rossiyalik taniqli aktyor va rejissor Sergey Puskepalis Yaroslav viloyatida yuz bergan YTH oqibatida hayotdan ko‘z yumdi, deb yozadi “Lisa.ru”.
56 yoshli aktyor 13—18-sentabr kunlari o‘tkazilgan Toshkent xalqaro kinofestivalida ishtirok etib, vataniga qaytgan edi.
Qayd etilishicha, aktyor harakatlanib ketayotgan Ford Transit miniveni yuk mashinasi bilan to‘qnashib ketgan. Miniven haydovchisi ham YTH qurboniga aylangan.
Rossiyada xizmat ko‘rsatgan artist Sergey Puskepalis “Oddiy narsalar” filmi bilan mashhurlikka erishgan. Aktyor “Nika”, “Kinotavr”, “Kumush ayiq” hamda “Oltin burgut” mukofotlari bilan taqdirlangan.
Izoh (0)