Qozog‘iston prezidenti Qosim-Jo‘mart To‘qayev joriy yilning 20-noyabrida navbatdan tashqari prezidentlik saylovini o‘tkazish to‘g‘risidagi farmonni imzoladi, deb yozadi “RIA Novosti”.
“Qozog‘iston Respublikasi prezidenti saylovi 2022-yil 20-noyabrga tayinlansin”, — deyiladi farmon matnida.
“Men uchun davlat manfaatlari hamma narsadan ustun. Shuning uchun, men o‘z vakolat muddatim qisqarganiga qaramay, muddatidan oldin prezidentlik saylovlariga borishga tayyorman”, — dedi To‘qayev o‘z murojaatida.
Avvalroq To‘qayev “Konstitutsiyaga o‘zgartirish va qo‘shimchalar kiritish to‘g‘risida”gi qonunni imzolagan edi. O‘zgartirishlarga ko‘ra, mamlakatda yetti yillik prezidentlik muddati belgilangan. Shu bilan birga, endilikda davlat rahbari faqat bir marta saylanishi mumkin.
Izoh (0)