Қозоғистон президенти Қосим-Жўмарт Тўқаев жорий йилнинг 20 ноябрида навбатдан ташқари президентлик сайловини ўтказиш тўғрисидаги фармонни имзолади, деб ёзади «РИА Новости».
«Қозоғистон Республикаси президенти сайлови 2022 йил 20 ноябрга тайинлансин», — дейилади фармон матнида.
«Мен учун давлат манфаатлари ҳамма нарсадан устун. Шунинг учун, мен ўз ваколат муддатим қисқарганига қарамай, муддатидан олдин президентлик сайловларига боришга тайёрман», — деди Тўқаев ўз мурожаатида.
Аввалроқ Тўқаев «Конституцияга ўзгартириш ва қўшимчалар киритиш тўғрисида»ги қонунни имзолаган эди. Ўзгартиришларга кўра, мамлакатда етти йиллик президентлик муддати белгиланган. Шу билан бирга, эндиликда давлат раҳбари фақат бир марта сайланиши мумкин.
Изоҳ (0)