Rossiya prezidenti Vladimir Putin Velikiy Novgorodda Rossiya davlatchiligining 1160 yilligiga bag‘ishlangan tantanali marosimdagi chiqish qildi, deya xabar beradi “RBK”.
Putin bir qator tarixiy shaxslarning ismlarini sanab, ularni Rossiya kelajagini turlicha ko‘rgan va barrikadalarning qarama-qarshi tomonida turgan “keng ko‘lamli, murakkab, ba’zan qarama-qarshi” shaxslar deb atadi.
“Bilasizmi, men bu nutqni yozgach, Nikolay II, Lenin, Stalin kabi ismlarini alohida belgilab qo'yganman. Ko‘rinib turibdiki, bu hozirgi siyosiy vaziyatga to‘laqonli xolis baho berish uchun tarixiy nuqtai-nazarga tayanishning ma’qul vaqti. Ularning barchasi, davlat arboblari, ishchilar, jangchilar, kashshoflar, olimlar, zohid va avliyolar, eng muhimi, butun xalqimiz Rossiyani buyuk jahon davlatiga aylantirdi, uning taqdirini belgilab berdi”, — dedi Putin.
Uning ta’kidlashicha, zamonaviy Rossiya fuqarolari o’z ajdodlari an’analarini saqlash va davom ettirishga majburdirlar. “Bizning har birimiz Rossiya uchun, bepoyon mamlakatimiz, sevimli vatanimizni himoya qilish va mustahkamlash uchun ulkan mas’uliyatga egamiz”, — deydi Rossiya rahbari.
Putin o‘z murojaatlarida bu shaxslarni bir necha bor tilga olgan. Shunday qilib, 21-fevral kuni Rossiya Ukrainada harbiy operatsiya boshlagan Donetsk va Lugansk xalq respublikalarining mustaqilligini tan olgan bayonotida u
“Bolsheviklar siyosati natijasida Sovet Ukrainasi paydo bo‘ldi, uni bugungi kunda ham ko‘plab sabablarga ko‘ra Vladimir Ilich Lenin nomidagi Ukraina deb atash mumkin”, — dedi u.
Undan tashqari, Putin davlat qurilishining lenincha tamoyillari xatodan ham yomonroq ekani va 1991-yilda SSSR parchalanganidan keyin bu “mutlaqo ravshan” bo‘lganini ta’kidladi.
Shuningdek, o‘z nutqida u Ulug‘ Vatan urushidan keyin avval Polsha, Ruminiya va Vengriyaga tegishli bo‘lgan bir qator yerlarni Ukrainaga bergan Stalinni esladi.
“Shu bilan birga, o'ziga xos kompensatsiya sifatida Stalin Polshaga asl nemis hududlarining bir qismini berdi va 1954-yilda Nikita Xrushchyov negadir Qrimni Rossiyadan ajratdi va Ukrainaga berdi. Aslida Sovet Ukrainasi hududi shunday shakllangan”, — deya xulosa qildi Putin.
Izoh (0)