Россия президенти Владимир Путин Великий Новгородда Россия давлатчилигининг 1160 йиллигига бағишланган тантанали маросимдаги чиқиш қилди, дея хабар беради «РБК».
Путин бир қатор тарихий шахсларнинг исмларини санаб, уларни Россия келажагини турлича кўрган ва баррикадаларнинг қарама-қарши томонида турган «кенг кўламли, мураккаб, баъзан қарама-қарши» шахслар деб атади.
«Биласизми, мен бу нутқни ёзгач, Николай II, Ленин, Сталин каби исмларини алоҳида белгилаб қўйганман. Кўриниб турибдики, бу ҳозирги сиёсий вазиятга тўлақонли холис баҳо бериш учун тарихий нуқтаи-назарга таянишнинг маъқул вақти. Уларнинг барчаси, давлат арбоблари, ишчилар, жангчилар, кашшофлар, олимлар, зоҳид ва авлиёлар, энг муҳими, бутун халқимиз Россияни буюк жаҳон давлатига айлантирди, унинг тақдирини белгилаб берди», — деди Путин.
Унинг таъкидлашича, замонавий Россия фуқаролари ўз аждодлари анъаналарини сақлаш ва давом эттиришга мажбурдирлар. «Бизнинг ҳар биримиз Россия учун, бепоён мамлакатимиз, севимли ватанимизни ҳимоя қилиш ва мустаҳкамлаш учун улкан масъулиятга эгамиз», — дейди Россия раҳбари.
Путин ўз мурожаатларида бу шахсларни бир неча бор тилга олган. Шундай қилиб, 21 февраль куни Россия Украинада ҳарбий операция бошлаган Донецк ва Луганск халқ республикаларининг мустақиллигини тан олган баёнотида у
«Болшевиклар сиёсати натижасида Совет Украинаси пайдо бўлди, уни бугунги кунда ҳам кўплаб сабабларга кўра Владимир Илич Ленин номидаги Украина деб аташ мумкин», — деди у.
Ундан ташқари, Путин давлат қурилишининг ленинча тамойиллари хатодан ҳам ёмонроқ экани ва 1991 йилда СССР парчаланганидан кейин бу «мутлақо равшан» бўлганини таъкидлади.
Шунингдек, ўз нутқида у Улуғ Ватан урушидан кейин аввал Польша, Руминия ва Венгрияга тегишли бўлган бир қатор ерларни Украинага берган Сталинни эслади.
«Шу билан бирга, ўзига хос компенсация сифатида Сталин Польшага асл немис ҳудудларининг бир қисмини берди ва 1954 йилда Никита Хрушчёв негадир Қримни Россиядан ажратди ва Украинага берди. Аслида Совет Украинаси ҳудуди шундай шаклланган», — дея хулоса қилди Путин.
Изоҳ (0)