O‘zbekistondagi “Yagona umumrespublika protsessing markazi” — UzCard MIR to‘lov tizimi kartalarini qabul qilishni davom ettirmoqda. Bu haqda UzCard ma’muriyatiga tayanib, “TASS” xabar bermoqda.
Hozirda O‘zbekiston banklarida MIR kartalariga hech qanday cheklovlarsiz xizmat ko‘rsatilmoqda, — deyiladi xabarda.Joriy yilning mart oyida UzCard texnik sabablarga ko‘ra MIR kartalariga xizmat ko‘rsatishni to‘xtatib qo‘ygan edi.
Avvalroq AQSH MIR kartalari tufayli xorijiy banklar uchun sanksiyalar xavfini e’lon qilgandi.
Buning ortidan Turkiyaning ikkita yirik banki MIR kartalari bilan operatsiyalarni to‘xtatgan edi.
Keyinchalik Qozog‘iston va Vyetnam banklari ham MIR kartalariga xizmat ko‘rsatmasligini ma’lum qilgan.
Izoh (0)