Sirdaryoning Boyovut tumanida pul evaziga oliygoh diplomini, Buxoro viloyatining Buxoro tumanida esa o‘qishga kiritib qo‘yishni va’da qilgan shaxslar ushlandi.
Bosh prokuratura huzuridagi departamentning Boyovut tuman bo‘limi tomonidan o‘tkazilgan tezkor tadbirda, fuqarolar T.N. va D.N. boshqa bir fuqaro H.ga go‘yoki yuqori lavozimlarda ishlovchi tanishlari yordamida Toshkent irrigatsiya va qishloq xo‘jaligini mexanizatsiyalash muhandislari institutining Qarshi filialini tugatgani to‘g‘risida diplom olib berishi evaziga 3 000 dollarni olgan vaqtida ashyoviy dalillar bilan ushlangan.
Shu kabi, Buxoro tuman bo‘limi tomonidan o‘tkazilgan tezkor tadbirda fuqarolar B.R. va Z.R. 2 nafar fuqaroni yuqori lavozimda ishlovchi tanishlari yordamida Buxoro turizm va madaniy meros texnikumiga o‘qishga kiritib qo‘yish evaziga 1 800 dollarni olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
Mazvuga doir:
Izoh (0)