Futbol o‘yini doim juda keskin o‘tadi.
...Tezroq, oshir, — bir o‘yinchi qichqiradi.
— Davom et, oldinga, — ikkinchisi dalda beradi.
Nimasi ajablanarli deysizmi? Har qanday futbol turniri – bu his-tuyg‘ular va ehtiroslarning jo‘shqin namunasi. Lekin bu oddiy o‘yin emas: bu “Mustaqillik kubogi” uchun O‘zbekistonda ilk marta bo‘lib o‘tayotgan nogiron-amputantlar o‘rtasidagi futbol chempionati.
Jasorat qoidalari
Maydondagi futbolchilar qo‘ltiqtayoqlariga suyanib to‘pni bir oyog‘i bilan tepadi. Nogiron-amputantlar o‘yini odatdagidan farq qiladi. Birinchidan, futbol maydonining o‘lchami. U standartdan kichikroq — 60x40 m. Maydonda olti nafar futbolchi, bir oyog‘i yo‘q yoki amputatsiya qilingan, har biri qo‘ltiqtayoqda, darvozabon esa bir qo‘lsiz yoki tug‘ma nuqsonga ega. Uchrashuv ikki taymdan iborat bo‘lib, tanaffus bilan har biri 20 daqiqadan davom etadi. Darvozabonning harakatlari darvozabon maydoni bilan chegaralanadi. Qo‘ltiq tayoq yoki oyoqning amputatsiya qilingan qismi bilan o‘ynash taqiqlanadi.
Bu yigitlarning chidamliligi va matonatiga havas qilsa arziydi. Bu yerda har kimning o‘z hikoyasi bor: kimdir baxtsiz hodisada bir oyoq-qo‘lini yo‘qotgan, kimdir saraton tufayli, kimdir zavodda stanokda ishlash natijasida. Amputatsiya nima? Bu hayotning oldin va keyingi bo‘linib ketishi, bu yangi va kuchli og‘riqlar bilan o‘zini qabul qilish uchun ichki kurash. Bu cheksiz kurash. Aynan shu sharoitda sport ruhan sinmaslik, kuchli bo‘lishga turtki beradi.
O‘zbekistonda 33 yildan buyon nogiron-amputantlar futbol jamoasi mavjud. Bu vaqt ichida jamoa jahon chempionatida besh karra eng yaxsisi bo‘lgan: 1990- (AQSH), 1991 (O‘zbekiston), 2007 (Turkiya), 2010 (Argentina) va 2012-yillar (Rossiya). Milliy terma jamoa 1988-yilgi Jahon chempionatida kumush, shuningdek, 2002-yilgi Jahon chempionatida bronza medalini qo‘lga kiritgan. Joriy yilning mart oyida O‘zbekiston terma jamoasi I Osiyo chempionati saralash bosqichida ikkinchi o‘rinni egallab, Jahon chempionatiga yo‘llanma oldi.
Biznesning ijtimoiy mas’uliyati
“Matonat futbol” nogiron-amputantlar futbolini rivojlantirish markazi tomonidan Mustaqillik kubogi uchun nogiron-amputantlar o‘rtasida ilk futbol chempionati o‘tkazilmoqda. Bosh homiy — InfinBank. Musobaqalar Buxoroda o‘tkazilgani ham bejiz emas: shahar azaldan hayotga ilg‘or qarashlari bilan mashhur bo‘lib kelgan, qadimiy tarixga ega. Bu safar esa InfinBank bevosita ishtirok etgan yana bir tarix yaratildi. Ko‘pchilik fikricha, faqat foyda ko‘rishga “berilib ketgan” tijorat banki uch yildan buyon nogiron-amputantlar futbolini rivojlantirish markaziga yordam berib kelmoqda.
Joriy yilda bank va nodavlat notijorat tashkilotlari o‘rtasidagi hamkorlik yangi bosqichga ko‘tarildi: O‘zbekiston tarixida ilk bor “Mustaqillik kubogi” turniri tashkil etildi. Shuningdek, bank terma jamoaga Turkiyada bo‘lib o‘tadigan jahon chempionatiga yo‘llanmalar uchun to‘lovlarni amalga oshirishda ham yordam berdi. Albatta, xayrli ishlar ovoza qilinmaydi va ular haqida gapirish ham odat tusiga kirmaydi, biroq InfinBank o‘z misolida biznes vakillarini mana shunday har qanday qiyinchiliklarga qaramay, taslim bo‘lmay, olg‘a intilib, g‘alaba qozonayotganlarga ko‘mak berishda ishtirok etishga undaydi.
“Mustaqillik kubogi” natijalari
Musobaqa muvaffaqiyatli o‘tdi, deya baralla ayta olamiz. Chempionatda respublikamiz viloyatlaridan jami oltita jamoa ishtirok etdi. Finalda shu yilning oktabr oyida bo‘lib o‘tadigan Jahon chempionatiga yo‘l oladigan terma jamoa futbolchilarining ko‘rgazmali futbol bahsi o‘tkazildi. Ular “O‘zbekiston №1” va “O‘zbekiston №2” terma jamoalariga bo‘lindi. O‘yin 9:1 hisobida “O‘zbekistonning №1” jamoasi foydasiga hal bo‘ldi.
Ta’kidlash joizki, o‘tkazilgan chempionat shunchaki o‘yin emas. Bu qo‘l-oyoqlarini yo‘qotgan, umidsizlikka tushgan odamlarga o‘zini jamiyatning to‘la huquqli a’zosi sifatida his qilish, taslim bo‘lmaslik hamda ruhan kuchli bo‘lib, har qanday qiyinchiliklarni yengib o‘tish va muvaffaqiyatga erishish mumkinligini ko‘rsatish va isbotlash imkonini beradi.
Reklama huquqi asosida.
Izoh (0)