Ko‘pincha yangi turar joyga ko‘chib o‘tish yoki kapital qurilish jarayonida yangi romlarni xarid qilish masalasiga duch kelasiz. Biroq O‘zbekistonning aksariyat aholisi uchun bu masala yetarli darajada murakkab bo‘lishi mumkin. Agar romlarni tanlash borasidagi muhim savollarga javoblarni hali bilmasangiz, bu maqolamizni oxirigacha o‘qishni tavsiya qilamiz.
Konstruksiya
Birinchi o‘rinda, rom profilining turini aniqlab olish kerak. Profil ichida havo kameralari mavjud. Kameralarning miqdori va tuzilishi shovqin va issiqlik izolyatsiyasiga ta’sir ko‘rsatadi. Metall-plastik profilning montaj kengligiga e’tibor qarating, biroq, u romning yakuniy narxiga salmoqli ta’sir ko‘rsatishini hisobga oling. Keraksiz xususiyatlarga ortiqcha to‘lov qilmaslik uchun vaziyatni baholang va o‘ylab ko‘ring.
Ishlab chiqaruvchidan, siz tanlagan romlarda butun konstruksiyaga mustahkamlik va ishonchlilik beruvchi armaturalash borligini so‘rab olish hamda u yaxshi sifatga ega ekanligiga ishonch hosil qilish zarur. Mutaxassislar Markaziy Osiyo mintaqasi uchun profilining montaj kengligi kamida 60 mm bo‘lgan metall-plastik romlarni o‘rnatishni tavsiya qiladilar.
Ehtiyot bo‘ling! Narxni arzonlashtirish maqsadida ishlab chiqaruvchilar metall armaturalashda mablag‘ tejash holatlari tez-tez uchrab turadi: uni qisman oshiq-moshiqlarni mahkamlash joyida qo‘llashadi, qasddan ingichka metalldan foydalaniadi yoki armaturalashdan to‘liq voz kechishadi.
Profil qanchalik keng bo‘lsa, armaturalash ham shunchalik qalin va ishonchli bo‘lishi kerak. U zanglamas qotishmadan yasalgan yoki ruhlangan bo‘lishi, qalinligi 1,5 mm dan kam bo‘lmasligi kerak. Rangli yoki laminatsiyalangan romlar quyoshda qattiqroq qizishini hamda 2 mm va undan ortiq armaturalanishi kerakligini hisobga oling. Armaturalangan profil tutashgan konturga ega emas va uskunada kavsharlashdan oldin plastik profilga o‘rnatilib, mahkamlanadi. Metall va plastikning erish harorati farqlanishi sababli, u metall-plastik konstruksiyalar burchagida payvandlanishining iloji yo‘q.
Profilni tanlash vaqtida albatta sifat sertifikatlari mavjudligi va taqdim etiladigan kafolatlar haqida so‘rang. 2022-yilda Akfa Group kompaniyasining yangi ishlanmalari Turkiyada Façade Testing Institute rasmiy sertifikatsiyasidan muvafaqqiyatli o‘tdi. FTI tomonidan o‘tkazilgan sinovlar natijalari Yevropa ittifoqi tomonidan qabul qilingan. Façade Testing Institute – Yevropa ittifoqining notifikatsiya qilingan laboratoriyasi bo‘lib, TURKAK agentligi tomonidan akkreditatsiya qilingan. U osma devorlar, romlar, eshiklar va boshqa qurilish materiallarini CE markirovkasi jarayoni uchun sinov va tahlil qiladi. Markirovka mahsulot iste’molchilar salomatligi uchun zararli (xavfli) emasligini hamda atrof-muhit uchun beziyon ekanligini tasdiqlaydi.
Furnitura va aksessuarlar
Bu holda tejamkorlik o‘ziga-o‘zi zarar yetkazishni anglatadi. Furnitura oyna ravon, yengil va qulay ochilishi va ishonchli yopilishiga ta’sir qiladi. Akfa assortimentida qator jahonda yetakchi kompaniyalarning turli mexanizm, furnitura va aksessuarlari taqdim etilgan, shu jumladan: Rotto (Germaniya), Fab& Fix (Buyuk Britaniya), Hoppe (Germaniya), Fornax (Turkiya). Ular orasida buzishdan yuqori himoyaga, qo‘shimcha qulflash nuqtalariga va rom tizimini ochishning o‘ziga xos variantlariga ega mexanizmlar mavjud. Furnitura va aksessuarlar sizning ehtiyojingizdan kelib chiqqan holda tanlanadi.
Muhim: oyna furniturasi zanglamasligi, shaklan o‘zgarmasligi va yedirilmasligi uchun sifatli metalldan bo‘lishi kerak. Keng tarqalgan furnitura turlaridan ochilishning burama, qaytarma va burama-qaytarma mexanizmlarni aytib o‘tish mumkin. Oxirgi turi qimmatroq bo‘ladi, sababi, o‘zida ochilishning ikki turini birlashtirib, rom konstruksiyasida darcha bo‘lishini ko‘zda tutish zaruratidan xalos qiladi. Bunda Yevropa ishlab chiqaruvchilarining mahsulotini tanlagan ma’qul, sababi, statistikaga ko‘ra ular xitoy analoglariga nisbatan bir necha barobar ishonchli bo‘lib, sizga ancha ko‘p xizmat qiladi.
Energiya samaradorligi: zamonaviy tendensiyami yoki mijozlar uchun chinakam foydami?
Hozirgi kunda energiya tejovchi texnologiyalar haqida ko‘plab mubolag‘a fikrlar mavjud. Axbotrot yetishmasligi sababli ular xaridorlarga noto‘g‘ri ma’lumot berib, innovatsion yechimlardan foydalanishning aniq foydasini baholash imkonini bermaydi.
Energiyani tejovchi oynalarning oddiy oynalardan farqini anglash uchun oddiy eksperiment natijalari bilan tanishish tavsiya etiladi. R&D Akfa mutaxassislar bir kamerali qo‘shoyna bilan jihozlangan turli romlarning ichki oynasi haroratini o‘lchadilar. Standart oynalar orqali issiqlik yo‘qotilishi 10 foizdan 40 foizgacha bo‘lgan. Bundan kelib chiqadiki, energetik samarador oynalar xonalarda issiqlikni saqlash va konditsionerlashda mablag‘ni tejash orqali kelusida kiritgan sarmoyangizni oqlaydi. Energetik samarador romlar oynalar orqali issiqlik yo‘qotilishini taxminan 70% gacha qisqartirishga qodir. Yozgi mavsumda esa ular konditsionerlash harajatlarini taxminan 50 foizga qisqartiradi.
Shovqindan holi bo‘lishni xohlaganda
Shovqin darajasi, inson eshitish bo‘sag‘asini hisobga olgan holda detsibellarda - akustik birliklarda (dBa) o‘lchanadi.
Baland tovushlarga sezgirlik kechqurun, ish kunidan keyingi charchoq holatida va kechasi kuchayadi. Ko‘pchilik odamlarni 50 dB gacha bo‘lgan mo‘tadil shovqin darajasi, masalan, yaqin joyda oddiy ovoz balandligida suhbatlashish yoki romlar ostidan o‘tayotgan mashinaning tovushi osongina uyg‘otadi.
Ba’zilar baland tovushlarga nisbatan sezgirroq va pastroq shovqin darajasida uxlay olmaydi.Ta’kidlash joizki, hatto eng “sokin” metall-plastik romlar ham, agar ular noto‘g‘ri o‘rnatilgan bo‘lsa, tovush izolyatsiyasining munosib darajasini ta’minlay olmaydi.Zich o‘rnatilmagan tabaia tovush izolyatsiyasini ikki baravar kamaytiradi. Izolyatsiyadagi o‘ta keng o‘rnatish choki va havo bo‘shliqlari ham konstruksiyaning shovqin izolatsiyasini kamaytiradi.
To‘g‘ri tanlangan va professional tarzda o‘rnatilgan ko‘p kamerali qo‘shoynali va yuqori sifatli profilli plastik romlar hatto metro yoki aeroport, gavjum prospektlarga, magistrallarga yaqinidagi uylarda joylashgan xonalarni ham shovqindan himoya qiladi.
Har bir oynaga shovqin izolyatsiyasi bo‘yicha toifa beriladi. GOST 23166-99 davlatlararo standarti bo‘yicha romlarning shovqin izolatsiyasi rom konstruksiyasi o‘z ichida ushlab qola oladigan dBa ovoz balandligi bilan belgilanadi.
Sinovlar shuni ko‘rsatdiki, A klassdagi rom tizimlari - Engelberg 8K analoglardan sezilarli darajada ustundir va to‘g‘ri o‘rnatilgan bo‘lsa, katta avtomobil yo‘lidan, o‘tayotgan metrodan chiqadigan shovqinni va hatto romdan tashqarida o‘tayotgan konsert shovqinini izolyatsiya qilishga qodir.
Narx
Maslahat: arzon narxdagi romni o‘rnatishdan oldin sertifikatlarni so‘rang va u qaysi homashyodan yasalishini bilib oling. Bozorni va ishlab chiqaruvchilarning narxlash siyosatini o‘rganing va yodda tuting, sifatli materiallardan yig‘ilgan oynalar sizga ko‘p yillar xizmat qilib, xonadoningizda qulaylik va shinamlik muhitini yaratadi.
Shubhali past narxlarni va’da qiladigan kompaniyada plastik romlarni tanlamasligingiz kerak. Demping ko‘pincha sifat hisobiga amalga oshiriladi yoki asosiy taklif muhim tarkibiy qismlarni o‘z ichiga olmaydi.
Odatda, ingichka devorlari bo‘lgan profildan yasalgan romlar, shuningdek, arzon armatura yordamida tayyorlangan konstruksiyalar arzonroq bo‘ladi.
Rom narxida tejamkorlik sezilarli bo‘lishi mumkin, ammo bunda sifat yo‘qoladi. Ularni tez orada almashtirish zarurati bir necha baravar qimmatga tushadi.
Plastik romlarni o‘rnatish: buyurtmachi chek-listi
O‘rnatish oynani almashtirish jarayonining asosiy tarkibiy qismlaridan biri bo‘lib, romngizning sifat xususiyatlari asosan bu jarayonga bog‘liqdir.
Profil turi, armatura, qo‘shoynala va boshqa jihatlar yuzasidan qaror qabul qilganingizdan so‘ng, romlar ishlab chiqarilguncha va o‘rnatish joyiga yetkazilguncha kutish qoladi.
Odatda, yozgi davrda metall-plastmassa rom konstruksiyalarini ishlab chiqaruvchilarning buyurtmalari ko‘proq bo‘ladi va ishlab chiqarish joyida navbat hosil bo‘ladi.
O‘rnatilgan romlarning konstruksiyasi va montajini qabul qilib olishdan quyidagi jihatlarga albatta e’tibor qarating.
- Rom va tabaqalarni tekshiring. Profilda hech qanday o‘yiq yoki darz ketgan joy bo‘lmasligi kerak.
- Barcha profillarda albatta himoya plyonkasi yopishtirilgan bo‘lishi kerak. Mabodo, rom yoki tabaqa profilida plyonka yo‘q bo‘lsa - uni albatta sinchkovlik bilan tekshirib ko‘ring. Himoya plyonkasining o‘zida ham chuqur qirilgan joylar bo‘lmasligi kerak.
- Qo‘shoynalarni diqqat bilan ko‘zdan kechiring. Ularda qirilgan, ayniqsa, darz ketgan joylar bo‘lmasligi kerak.
- Barcha zarur butlovchi qismlar borligini tekshirish yodingizdan ko‘tarilmasin. Agar mabodo nimadir yetishmasa, qabul qilish dalolatnomasida albatta o‘z izohingizni yozing. Tabaqalar ishini tekshiring. Tabaqalar hech nimaga tegib turmasligi kerak. Hammasi yengil va urinishsiz ochilishi lozim.
- Rom kerakli balandlikda o‘rnatilganini tekshiring. Kerakli darajada o‘rnatish - montajning majburiy talabi. Tabaqa mustaqil ochilib ketishi yoki yopilib qolishi kerakmas.
- Ko‘piklash sifati. Bu yerda hammasi oddiy. Hech qanday bo‘shliq yoki kovaklar bo‘lmasligi shart. Tekis, zich ko‘piklash. Aks holda namlik ichkariga kirib, otkoslarda mog‘or va zamburug‘lar paydo bo‘lishi mumkin.
Bozor takliflarga to‘la, xaridor esa xonadoniga hamyonbop narxlarda eng yaxshi plastik romlar o‘rnatilishiga haqli.
Qo‘shimcha savollaringiz bo‘lsa – Akfa Group yagona Call-markaziga qo‘ng‘iroq qiling, sizga albatta yordam berishadi.
Call-markaz raqami: +998 71 203-00-00
Sayt: www.akfagroup.com
Instagram: www.instagram.com/akfa...
Facebook: www.facebook.com/AkfaU...
Reklama huquqi asosida.
Izoh (0)