10-sentabr kuni Toshkent shahridagi Hyatt Regency mehmonxonasida ISHONCH do‘konlar tarmog‘ining rebrending taqdimoti bo‘lib o‘tdi. ISHONCH do‘konlar tarmog‘i yangi hududlarga chiqish bilan birgalikda brend platformasini yangilash, shuningdek, uslubini o‘zgartirishni ham rejalashtirgan edi.
ISHONCH ushbu brend platformasini “Truzbek” deb nomladi. Shuni ta’kidlash kerakki, Truzbek’ni millatga, yashash joyiga yoki fuqarolikka bog‘liqlik joyi yo‘q. Truzbek — bu shaxs, falsafa, tamoyil. Bu fikrlashning yangi turi bo'lib, bunda siz yaxshiroq hayotni kutmaysiz, balki uni o‘zingiz yaratasiz. Truzbek o‘zi va yaqinlari atrofidagi dunyoni so‘z bilan emas, amal bilan o‘zgartiradigan bizning qo‘shnimiz, ota-onamiz, do‘stlarimiz bo‘lishi mumkin, ISHONCH bunda brend sifatida hayot, biznes, ta’lim va shaxsiy rivojlanish uchun zamonaviy va qulay mahsulotlarni tanlashda yordam beradi.
ISHONCH — bu O‘zbekistondagi yirik maishiy texnika va uy uchun kerakli buyumlar do‘konlar tarmog‘idir. Tarmoqning birinchi do‘koni 2010-yilda Farg‘ona viloyatida ochilgan. 12 yildirki kompaniya mamlakat bozorida yetakchi o‘rinni egallab, mintaqadagi aholi yashash tarzini yaxshilashga va farovonlik darajasini oshirishga hissa qo‘shib, aholiga sifatli xizmat ko‘rsatib kelmoqda.
Ayni vaqtda Respublika bo‘yicha ISHONCH filiallarining umumiy soni 60 ga yaqin. Shuningdek, kompaniyada 3 000 dan ortiq xodim faoliyat yuritadi.
Tadbirni ISHONCH do‘konlar tarmog‘i bosh direktori Farruh Kaxxarov kompaniya hayotida yangi bosqich boshlanayotgani va kelgan mehmonlarga minnatdorchilik bilan ochib berdi.
“Bugun biz kelajak sari yangi qadam bosmoqdamiz va albatta, birgalikda yangi cho‘qqilarga erishamiz. Chunki, hammamiz ishonch va ishtiyoq bilan yangi rejalarga qadam qo‘yyapmiz. ISHONCH bu — barcha insonlarni turmush tarzini yaxshilashga intiluvchi kompaniya. ISHONCH nafaqat mahsulotlar sotadi, balki yangi brendlarni ham olib keladi. Bu orqali fuqarolarimizni orzularini amalga oshirishda yordam beradi”, — dedi Farruh Kaxxarov.
Yangi uslubni ishlab chiqish ustida Rossiyadagi yetakchi bo‘lgan, Rossiya kreativlik reytingi Brending toifasida birinchi o‘rinda turuvchi Depot brending agentligi ishladi.
“Ushbu loyiha ustida bir yarim yil davomida ish olib bordik. Ushbu muddat ichida jamoamiz bilan tadqiqotlar o‘tkazish, tanishish va xaridorlar bilan suhbatlashish maqsadida bir necha marotaba O‘zbekistonga keldik. Avvalgi brend strategiyasiz yaratilgan bo‘lsa, biz brend strategiyasi, platformasi hamda yangi uslubini ishlab chiqdik. Brend dizaynini yanada zamonaviylashtirdik, ko‘proq vositalar qo‘shdik va brendbuk yaratdik”, — deydi Depot agentligi strategiya bo‘yicha direktori, Farhod Qo‘chqorov.
“Bugungi kunda ISHONCH kompaniyasi faol rivojlanyapti. Ushbu yil oxirigacha 70 ta do‘konimiz bo‘lsa, ularni 350 tagacha ko‘paytirish hamda 2030-yilgacha bozorning 60 foizini egallashni reja qilyapmiz. To‘g‘ri, juda katta maqsadlar qo‘yyapmiz, lekin butun jamoamiz bilan birgalikda rejalarni tezroq amalga oshirish uchun harakat qilamiz”, — Irina Nikolayeva, tijorat masalalari bo‘yicha direktor.
Telefon: +998 (73) 515-22-22
Facebook: @ishonchsavdouz
Instagram: @ishonchsavdouz
Telegram: @ishonchsavdo
Реклама ҳуқуқи асосида
Izoh (0)