“Barselona” Ispaniya chempionatining 6-turida “Elche” ustidan 3:0 hisobida g‘alaba qozondi.
Xavi qo‘l ostidagi jamoa La Liganing 1-turida “Rayo Valyekano” bilan (0:0) durang natija qayd etdi va undan keyingi 5 ta turda eng kamida 3 tadan gol urib kelmoqda.
Kataloniyaliklar so‘nggi bor 2010-yilda ketma-ket 5 o‘yinda 3 va undan ortiq gol urgandi. O‘shanda Pep Gvardiola “ko‘k-anorranglilar” boshqaruvida edi.
42 yoshli Xavi 2021-yil noyabr oyida “Barselona” bosh murabbiyi etib tayinlangandi. Uning qo‘l ostida jamoa 2022/23-yilgi mavsum La Ligada 16 ochko bilan 2-o‘rinni egallab turibdi.
Izoh (0)