«Барселона» Испания чемпионатининг 6-турида «Элче» устидан 3:0 ҳисобида ғалаба қозонди.
Хави қўл остидаги жамоа Ла Лиганинг 1-турида «Райо Вальекано» билан (0:0) дуранг натижа қайд этди ва ундан кейинги 5 та турда энг камида 3 тадан гол уриб келмоқда.
Каталонияликлар сўнгги бор 2010 йилда кетма-кет 5 ўйинда 3 ва ундан ортиқ гол урганди. Ўшанда Пеп Гвардиола «кўк-анорранглилар» бошқарувида эди.
42 ёшли Хави 2021 йил ноябрь ойида «Барселона» бош мураббийи этиб тайинланганди. Унинг қўл остида жамоа 2022/23 йилги мавсум Ла Лигада 16 очко билан 2-ўринни эгаллаб турибди.
Изоҳ (0)