Toshkent shahri, Shayxontohur tumanidagi ofis binosi kimoshdiga qo‘yildi. Lot ma’lumotlari “E-auksion” portalida e’lon qilingan.
Lot auksionga iqtisodiy sud hukmi bilan Mirobod MIB tomonidan joylashtirilgan.
Yer uchastkasining umumiy maydoni — 0,15 gektar. Binoning maydoni — 4429 kvadrat metr. Unda suv, elektr ta’minoti va kanalizatsiya tizimi mavjud. Gaz ta’minoti esa yo‘q.
Lot izohida yozilishicha, binoning ichki qismi ta’mirtalab.
Auksionga qo‘yilgan binoning boshlang‘ich bahosi — 20,9 mlrd so‘m. Arizalar 20-oktabr 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Xorazmdagi mehmonxona 18,5 mlrd so‘mga auksionga qo‘yilgani haqida xabar berilgandi.
Izoh (0)