Tadbirkorlarning 73 foizi yaqin uch oy ichida O‘zbekistonda biznesni rivojlantirish istiqbollarini ijobiy baholamoqda. Bu haqda Iqtisodiy tadqiqotlar va islohotlar markazi xabar berdi.
Avgust oyida ikki yo‘nalish bo‘yicha o‘tkazilgan so‘rovda 1,5 mingdan ortiq korxona ishtirok etdi: biznesning hozirgi holatini sifatli baholash va tadbirkorlarning kelgusi uch oy davomida o‘z biznesni rivojlantirish istiqbollariga bo‘lgan umidlari.
Avgust oyida ishbilarmonlik muhitining jamlangan ko‘rsatkichi o‘tgan oyga nisbatan 11 punktga yaxshilanib, 64 punktni tashkil etdi, bu esa mamlakatdagi ishbilarmonlik muhitining holatini ijobiy deb baholaydi.
Jamlangan indeksning yaxshilanishiga qishloq xo‘jaligida (45 dan 65 punktgacha o‘sish) va sanoatda (47 dan 67 punktgacha) ishbilarmonlik muhiti ko‘rsatkichlarining ijobiy dinamikasi sezilarli ta’sir ko‘rsatdi.
Xizmat ko‘rsatish sohasidagi ishbilarmonlik muhiti ko‘rsatkichi 63 punktda o‘zgarishsiz qoldi.
Ishbilarmonlik muhiti indikatorining dinamikasi:
Tarmoq kontekstida qishloq xo‘jaligidagi ishbilarmonlik muhiti ko‘rsatkichi 65 punktni, xizmat ko‘rsatish — 63 punktni, qurilish — 52 punktni va sanoatda — 67 punktni tashkil etdi.
Ishbilarmonlik muhiti ko‘rsatkichining tarmoqlar bo‘yicha dinamikasi:
Tarmoqlar kesimida hozirgi holat ko‘rsatkichining keskin o‘sishi qishloq xo‘jaligida (+30 punkt) va sanoatda (+29 punkt) qayd etildi.
O‘z biznesining hozirgi holatini yaxshi deb qayd etgan respondentlarning ulushi 43 foizdan 49 foizgacha oshdi va aksincha, yomonlashganini qayd etganlar soni 17 foizdan 12 foizgacha kamaydi.
Korxonalarning 26 foizi o‘z xodimlari sonini ko‘paytirdi va 46 foizi esa o‘z tovarlari/xizmatlariga bo‘lgan talabning o‘sishini qayd etdi.
Keyingi 3 oy ichida biznesni rivojlantirish istiqbollarining optimistik taxminlari korxonalarning 73 foizi o‘z biznes istiqbollarining yaxshilanishini baholashi, 69 foizi tovar va xizmatlarga talabning yanada o‘sishini kutishi va 66 foizi xodimlar sonini ko‘paytirishni rejalashtirishi bilan tavsiflanadi.
Mavjud vaziyat qiymatlari va taxminlar o‘rtasidagi munosabatlar tahlili shuni ko‘rsatadiki, tadbirkorlik subyektlarining baholariga ko‘ra, iqtisodiy rivojlanishdagi ijobiy tendensiya keyingi 3 oy ichida davom etadi.
Barcha respondentlar orasida 50 foizi ularning tadbirkorlik faoliyatini rivojlantirishda hech qanday to‘siqlar yo‘qligini ta’kidladi.Tadbirkorlarni eng ko‘p tashvishga solayotgan muammolar (kamayish tartibida) moliya manbalaridan foydalanish, ikkinchi o‘rinda soliq ma’muriyati, yer ajratish, soliq stavkalarining yuqoriligi, xomashyo yetishmasligi, suv ta’minoti va boshqalar.
Izoh (0)