Odam savdosi bilan shug‘ullangani uchun qidiruvda bo‘lgan o‘zbekistonlik ayol Kuala-Lumpurdan Toshkentga ekstraditsiya qilindi. Bu haqda Interpolning O‘zbekistondagi Milliy markaziy byurosi xabar berdi.
Ma’lum qilinishicha, qidiruvda bo‘lgan ayol o‘zgartirilgan shaxsiy ma’lumotlar ostida uzoq vaqt davomida Malayziyada yashirinib yurgan. Interpolning Toshkent va Kuala-Lumpurdagi Milliy markaziy byurolari o‘rtasida olib borilgan qo‘shma harakatlar va tezkor axborot ta’minoti, shuningdek, O‘zbekistonning Malayziyadagi elchixonasi vakillarining bevosita ko‘magida uning shaxsini aniqlash va qo‘lga olishga erishilgan.
Malayziya hukumati qidiruvdagi ayolni ekstraditsiya qilish to‘g‘risidagi qaroridan so‘ng, Interpol xodimlari hamrohligida jinoyatchi munosib jazo olish uchun O‘zbekistonga olib ketilgan.
Mavzuga doir:
- Sankt-Peterburgda O‘zbekiston Interpoli tomonidan qidiruvda bo‘lgan shaxs qo‘lga olindi
- O‘zbekiston IIV Interpol MMB xodimlari xalqaro qidiruvda bo‘lgan Turkiya fuqarosini ekstraditsiya qildi
- O‘ta yirik hajmdagi o‘g‘rilik sodir etgani uchun qidiruvda bo‘lgan o‘zbekistonlik erkak AQSHdan ekstraditsiya qilindi
Izoh (0)