Одам савдоси билан шуғуллангани учун қидирувда бўлган ўзбекистонлик аёл Куала-Лумпурдан Тошкентга экстрадиция қилинди. Бу ҳақда Интерполнинг Ўзбекистондаги Миллий марказий бюроси хабар берди.
Маълум қилинишича, қидирувда бўлган аёл ўзгартирилган шахсий маълумотлар остида узоқ вақт давомида Малайзияда яшириниб юрган. Интерполнинг Тошкент ва Куала-Лумпурдаги Миллий марказий бюролари ўртасида олиб борилган қўшма ҳаракатлар ва тезкор ахборот таъминоти, шунингдек, Ўзбекистоннинг Малайзиядаги элчихонаси вакилларининг бевосита кўмагида унинг шахсини аниқлаш ва қўлга олишга эришилган.
Малайзия ҳукумати қидирувдаги аёлни экстрадиция қилиш тўғрисидаги қароридан сўнг, Интерпол ходимлари ҳамроҳлигида жиноятчи муносиб жазо олиш учун Ўзбекистонга олиб кетилган.
Мавзуга доир:
Изоҳ (0)