11-sentabr kuni ijtimoiy tarmoqlar orqali Farg‘ona shahrida “Sor qushi sotiladi” nomli e’lon tarqalgandi. Farg‘ona viloyati Ekologiya boshqarmasi holatga munosabat bildirdi.
Mazkur murojaatga ko‘ra, Ekoinspeksiya xodimlari tomonidan e’londa ko‘rsatilgan telefon raqami orqali bog‘lanib, o‘rganish ishlari olib borilgan va qushni sotmoqchi bo‘lgan fuqaroning manzili aniqlangan.
O‘rganishlar davomida fuqaro A.K. joriy yilning avgust oyida Farg‘ona tumanidagi Vodil qishlog‘idan uyiga qaytayotgan vaqtida O‘zbekiston Respublikasi Qizil kitobiga sor qushini chap qanoti shikastlangan holda topib olib, uyiga olib kelgani aniqlangan. U qushni shu kunga qadar veterinariya ko‘rigidan o‘tkazib, parvarishlab kelgan.
Fuqaro sor qushini sotuvga qo‘yganidan pushaymonligini bildirib, o‘z ixtiyori bilan viloyat Ekologiya boshqarmasi xodimlariga topshirgan.
Sor qushi parvarishga muhtojligi sababli veterinariya ko‘rigidan o‘tkazilgan va tegishli dalolatnomaga asosan Farg‘ona shahrida joylashgan hayvonot bog‘iga topshirilgan.
Izoh (0)